<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, April 20, 2002
Arngrímur Vilhjálmsson

Ég vil þakka Adda fyrir veittan stuðning. Það stefnir allt í að hann verði efnilegur grænkommi.


posted by Jóhann Þórsson| link


Bíó

Ég var í bío á mynd sem heitir Rollerball. Hún er ekki góð. Ekki fara á hana. En ég fékk frímiða og það sést í bollurnar á Rebeccu Romijn Stamos þannig að þetta er allt í lagi.


posted by Jóhann Þórsson| link


Thursday, April 18, 2002
Hættum viðskiptum við Ísrael


Ung vinstri græn beina því til einstaklinga og fyrirtækja að hætta þegar í stað öllum viðskiptum við Ísrael þar til hernaðarofbeldi gegn palestínumönnum linnir. Við hvetjum fyrirtæki til að hætta innflutningi á ísraelskum varningi og almenning til að sniðaganga ísraelskar vörur í búðarhillum. Mikilvægt er að við leitum allra leiða til að koma hörðum og afdráttarlausum mótmælum á framfæri. Sú skylda hvílir á okkur öllum að gera allt sem hægt er til að koma í veg fyrir þá stríðsglæpi sem heimurinn verður nú vitni að.

Ung vinstri græn



posted by Jóhann Þórsson| link


Vitleysa

"Ísraelsmenn hófu að draga her sinn til baka frá minni bæjum á Vesturbakkanum, skömmu eftir að við fórum fram á það. Sagan mun sýna að þeir brugðust við og eins og (Ariel Sharon) forsætisráðherra Ísraels hefur sagt mér, hann lét mig fá tímaáætlun og við hana hefur hann staðið,"

Þetta sagði George Bush "forseti" í dag. Ég ætla rétt að vona að fólk fari ekki að trúa þessu. "Skömmu eftir að við fórum fram á það" þýðir greinilega eitthvað annað en ég er vanur. Ariel Sharon hunsaði Bush og hélt áfram herferð sinni, meira að segja eftir að Bush ítrekaði kröfu sína (í sjónvarpinu) um að hann myndi yfirgefa bæi á vesturbakkanum.

Ef að Bush hefði í raun viljað að Sharon drægi herlið sitt til baka hefði það gerst. Ef að hann hefði t.d. hótað að draga úr hernaðarlegri aðstoð við Ísrael hefði Sharon hlýtt eins og aumur hundur. En það gerðist ekki og nú hlustum við á fréttir af fjöldamorðum í Jenin.



posted by Jóhann Þórsson| link


Tilvitnun dagsins

Ég var að setja inn nýja tilvitnun á heimsíðuna mína. Ég setti þess en ekki eina af fjölmörgum um Ísrael af því að ég er að reyna að koma í veg fyrir að fólk gleymi þeim afgönum sem dóu í hefndaraðgerðum Bandaríkjanna í Afganistan.




posted by Jóhann Þórsson| link


Wednesday, April 17, 2002
Sjálfið afsannað

Í ritgerð minni, þar sem ég reyni að sína fram á að sköpunarsinnar hafi ekki rétt fyrir sér (og Guð í raun ekki til) virðist ég hafa rekist á leið til að afsanna sjálfan mig. Takið eftir:

"Sköpunarsinnar vilja meina að gagnlegar stökkbreytingar séu svo ólíklegar að það megi eins búast við því að hvirfilbylur blási í gegnum ruslahaug og framleiði heila Boing 757 breiðþotu. Með svipuðum rökum get ég sýnt fram á að ég sé ekki til. Á jörðinni búa um 6 milljarðar manna, skipt í helming eftir kynjum. Þá eru líkurnar á því að móðir mín hafi hitt faðir minn u.þ.b 1 á móti 3 milljörðum í öðru veldi. Líkurnar á því að þau hafi, eftir að hafa hist, ákveðið að gifta sig og eignast síðan ekki eitt heldur þrjú börn, öll af sama kyni (ég er yngstur af þremur bræðrum) er um 1 á móti 8. Gefum okkur að líkur á að fólk sem hittist, giftist einnig seú um 1 á móti 1000 (ég viðurkenni fúslega að síðasta talan er svolítið úr lausu lofti gripin, en þetta er líka dæmi um slíka tölfræði). Þá eru líkurnar á tilvist minni 1 á móti 3.000.000.000 * 3.000.000.000*8*1000 eða 1 á móti 7.2 sinnum 10 í tuttugastaogöðru veldi (72000000000000000000000). Miðað við þessa tölu má leiða líkur að því að ég sé ekki til."

Þar sem ég er ekki til þá skrifaði ég þetta ekki og þú því greinlega geðveik/ur.

Takk fyrir.


posted by Jóhann Þórsson| link


Huginn-skalinn

Margt merkilegt gerist í tímum hjá Skúla Sigurðssyni. Í dag fann ég t.d. upp svokallaðan "Huginn-skala" en hann mælir pólitíska róttækni.
Huginn sjálfur telst vera svona 2 á Huginn skalanum, en núllið eru menn sem eru einhverstaðar í Samfylkingar-Framsóknar hugleiðingum. Frjálshyggjumenn eru um -2 til -3 á þessum skala en Zapatistar í Chiapas eru harður fjarki á skalanum.

Ég gef sjálfum mér um einn og hálfan "Huginn"


posted by Jóhann Þórsson| link


Það er allt að gerast

Hérna er grein þar sem fram kemur að Bandaríkjamenn eru sumir hverjir á sama máli og við vinstrimenn hér heima. Þetta er stórgóð grein og verðskuldar athygli ekki síst vegna þess að þessa kona er á þingi í BNA.


posted by Jóhann Þórsson| link


Fyndið fyndið!

Þetta er sko fyndið:



posted by Jóhann Þórsson| link


Bloggarar

Þar sem Þór er með link á bloggið mitt get ég ekki verið þekktur fyrir annað en að linka á hans.


posted by Jóhann Þórsson| link


Tuesday, April 16, 2002
Um friðaviðræður Colins Powell

Ég er ánægður að Colin Powell sé að reyna að miðla málum.

Bíðið aðeins við, ég ætla að lagfæra setninguna.
Ég er ánægður að svo virðist sem Colin Powell sé að reyna að miðla málum. Þetta er aðeins nær sannleikanum.

En ætli sannleikurinn sé ekki í raun svona: Colin Powell á að virðast vera að miðla málum þó svo að ekkert gerist, og þá má kenna Arafat um ef aftur er framin sjálfsmorðárás. Jú þetta finnst mér líklegast. Þetta rökstyð ég með eftirfarandi spurningu: Af hverju fór Colin Powell ekki til Jenin? Þar var framið versta hryðjuverk sem framið hefur verið í Ísrael síðustu mánuði. ef ekki ár, af ísraelska hernum. Um þetta má lesa á t.d Independent.

Mér þykir hálf furðulegt að í flestum fjölmiðlum sé talað um að hann sé að reyna að knýja fram vopnahlé. Vopnahlé? Er það ekki bara Ísrael sem er í hernaðaraðgerðum þess stundina? Á Powell ekki að vera að reyna að stöðva framgöngu ísraelshers, frekar en að vera að dunda sér við að reyna að fá Arafat til að viðurkenna einhver hryðjuverk?

Ég bara spyr.



posted by Jóhann Þórsson| link


Smá sætindi

Ég er nú heldur alvarlegur oft í þessu bloggi og hér verður sko breyting á.


See what Care Bear you are.




posted by Jóhann Þórsson| link


Ég tek ekkert til baka!

Hérna má finna merkilega grein. Hún fjallar um viðskiptabannið við Írak, og þið lesendur góðir, sérstaklega þeir sem hafa skammað mig fyrir orðanotkun, ættuð að kíkja aðeins á hana. Ekki aðeins er hún þrusugóð, heldur eru engir aukvisar sem skrifa hana. Það eru Hans von Sponeck og Denis Halliday, en þeir voru báðir "UN humanitarian coordinator for Iraq", Denis Halliday frá 1997 til 1998 og Hans von Sponeck frá 1998 to 2000. Báðir sögðu þeir af sér í mótmælaskyni vegna þess sem þeir sáu í Írak.

Lesið bara greinina. Og þá farið þið e.t.v. að tala um aumingja líka.




posted by Jóhann Þórsson| link


Monday, April 15, 2002
Enn og aftur um aumingja

Ég var nú í dag áminntur af þriðja manni fyrir að nota orðið aumingjar um þá sem styðja viðskiptabannið við Írak. Mér þykir nú nóg komið og útskýri hér enn frekar notkun orðsins:
Í fyrsta lagi notaði ég orðið þegar ég var sérstaklega mikið reiður, þ.e. eftir að hafa skoðað myndir af börnum sem voru veik en ekki var hægt að hjálpa vegna skorts á sjúkragögnum og einnig af sjúkrahúsunum þar sem mæður biðu og vonuðu að einhver gæti hjálpað þeim. Ég var reiður og notaði orðið aumingjar um þá sem studdu þetta. Ég geri mér grein fyrir því að þetta er sterkt orð og að sumir kunna að móðgast við að sjá það. En í ljósi tjáningarfrelsis kaus ég að nota það áfram.

Önnur ástæða fyrir því að ég kaus að nota það áfram (sama ástæða og ég ætti e.t.v að hætta því), er að engin þessara sem gagnrýndu mig fyrir notkuninna sögðu neitt um sjálft viðskiptabannið. Ekki var sagt við mig "Þetta er rétt með viðskiptabannið, en gastu ekki fundið betra orð?", heldur "Jóhann maður kallar ekki annað fólk aumingja." Ekki alls fyrir löngu var formaður Þjóðernisflokksins kærður fyrir niðrandi komment um útlendinga í DV. Ég er alls ekki sammála þessum þjóðernisvitleysingjum (já vitleysingjum) en það á ekki að kæra menn fyrir það sem þeir segja, heldur dæma þá.
Tjáningarfrelsi samanstendur af tvemur orðum: tjáning og frelsi. Seinni atriðið á ekki bara við þegar okkur líkar það sem verið er að segja heldur alltaf. Og í því samhengi vil ég láta dæma mig fyrir að nota hörð orð gegn þeim sem ég tel beita milljónir barna miklu óréttlæti, en ekki fyrir notkun á einstaka orðum sem fólki finnst óviðeigandi.

Takk fyrir.


posted by Jóhann Þórsson| link


Sniðugt sniðugt

Huginn er með þrususkrif um Vensúela, Austur-Tímor og annað þvíumlíkt á síðunni sinni, það verður fólk að skoða. Annars var ég að ljúka við grein sem birtist á uvg.vg á morgun.

Í kvöld halda svo áfram þættirnir mínir en það eru Survivor og The Practice. Í síðasta Survivor þætti var rekin burt gellann sem hafði þegið aðstoð lýtarlækna við framhlið sína, og er það ekki nógu gott þar sem hún var stærsta ástæðan fyrir því að ég horfði á þess seríu, en annars treysti ég bara að Paschal geri það gott. The Practice eru aftur á móti snilldarlega vel gerðir þættir, þó lítið sé um sílikonið þar.

Ykkur er öllum boðið á Survivor kvöld hjá mér, mæting klukkan 19:50.

Og já, þeir sem styðja viðskiptabannið við Írak eru aumingjar.


posted by Jóhann Þórsson| link


Ég er Harry Potter

Eftir að hafa séð að Þór væri líkur einhverri kanínu ákvað ég að taka sama próf og komst að eftirfarandi:






posted by Jóhann Þórsson| link


Sunday, April 14, 2002
Hryðjuverkamenn?

Það er þá orðið nokkuð ljóst að Bandaríkjastjórn hefur ekki í hyggju að stöðva Sharon en muldra bara í átt til hans á meðan hann fær að klára þann viðbjóð sem hann er að stunda á vesturbakkanum. Colin Powell hefur ekki farið fram á að sjá Jenin, en þar fáum við brátt að vita af gífurlegum fjöldamorðum, Sabra og Shatilla-style. Ég efast ekkert um það að villimaðurinn Sharon sé að endurtaka leikin og sé að reyna að leysa "Palestínska Vandann". Það er nær óhuggnalegt hversu Jenin verður líkt pólsku gettói, allt frá innilokun og morðum til þess hvers eðlis umsátrið er; við stjórnina situr rasisti sem hefur ekki vott af áhuga á friði, og honum til halds og traust eru skammsýnir menn sem sjá "hryðjuverkamenn" í hverju horni.

Ariel Sharon hefur verið svo duglegur við það að nota þetta orð um alla araba síðustu 20 ár að Bush getur ekki annað en stutt hann, þar sem hann er greinilega sama sinnis (hundraðir þúsunda dauðir í Írak, 4000 í Afganistan, ? í Jenin) Í Sabra og Shatilla voru ólettar konur myrtar og fóstur þeirra jafnvel rifinn út. Útskýringin var sú að börn þeirra gætu orðir "hryðjuverkamenn" þegar þau yrðu eldri.

Styðjum frjálsa Palestínu!


posted by Jóhann Þórsson| link


Villur

Ég ætla að byrja þetta á því að biðjast Þór afsökunar á því að ég hafi kallað hann Þóri, ég veit vel að hann heitir Þór, þetta var einfaldlega beygingarvilla gerð í fljótfærni (ég hafði jú verið í líffræðipartý kvöldið áður). Þetta hefur verið lagfært.

Svo vil ég minnast á að Páll Árni Björnsson var í gær valin Herra 67, og ég óska honum innilega til hamingju með þennan eftirsótta titil.


posted by Jóhann Þórsson| link