<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, April 27, 2002
Aldeilis merkilegt

Ég var að skoða merkilega heimasíðu. Á henni eru tekin fyrir mörg málefni sem eru mér hugleikin, þó ég hafi aðallega verið ánægður með að þar er tekið fyrir viðskiptabannið við Írak. Ég ætla að benda þeim sem eru að lesa þetta blogg að skoða Aldeilis.net.

Ég ætla líka að setja fram nýja skilgreiningu á þeim sem styðja viðskiptabannið við Írak, þar sem aumingjar var ekki nógu góð útskýring og fólk missti af tilgangi uppnefnisins. Þeir einstaklingar sem styðja viðskiptabannið (Halldór Ásgrímsson, I´m looking in your direction) eru siðblindir og haldnir gífurlegum kynþáttafordómum. Þeir eru merkilega hæfir í að láta dauða fjölda barna ekkert á sig fá og ótrúlega latir(hlýtur að vera) að kynna sér forsendur og afleiðingar þessa viðskiptabanns. Nægilegt magn upplýsinga er til um þetta og maður eins og utanríkisráðherra (takið eftir að ekki er notað hæstvirtur) hlýtur að geta nýtt sér netið eða bókabúðir til að verða sér úti um þær.

Ég ætla að halda þessum áróðri áfram þar til að umtal í þjóðfélaginu eykst eða ég dauður. Confucius lýsti fyrirmyndareinstaklingnum á þennan hátt: "Sá sem heldur áfram að reyna þó það hafi engin áhrif." Siðferðiskennd mín er í það minnsta merkilegri en siðferðiskennd utanríkissráðherra.


posted by Jóhann Þórsson| link


Friday, April 26, 2002
Af nýlegum lögbrotum bandaríkjastjórnar

Ríkisstjórn Bandaríkjann tók það nýlega í sínar hendur að láta fjarlægja Jose Bustani, yfirmann (Director General) Organisation for the Prohibition of Chemical Weapons, sem er alþjóðlega stofnun sem sér um að skoða og eyða efnavopnum. Og af hverju var hann fjarlægður? Jú það var af því að hann vildi beita sömu hörku við að hafa uppi á og eyða efnavopnum bandaríkjamanna og hann hafði beitt í Írak og víðar. Ég bíð öllum, nei ég skora á alla að lesa eftirtaldar greinar í þessari röð: Grein 1 og Grein 2. Valdi á sérstaklega að lesa þetta þar sem það varpar kanski nýju ljósi á sýn hans á þessa ríkisstjórn.


posted by Jóhann Þórsson| link


Samkeppni

Til að vera ekki minni maður en Valdi ætla ég að setja inn áróðursmynd. Ég held að ekkert þurfi að útskýra.


posted by Jóhann Þórsson| link


Valdimar Víðisson

Valdi er byrjaður að blogga, og veitir það þá að öllum líkindum skemmtilegt mótvægi við vinstrisinnaða áróðurinn sem hér er að finna. Ég óska honum til hamingju og hvet fólk til að lesa það sem hann skrifar þar sem ég sé fram á miklar rökræður á blogg formi á milli okkar.


posted by Jóhann Þórsson| link


Það er von!

Ég á þessari stundu sérstaklega ánægður. Ég var að lesa yfirlýsingu frá ameríska þingmanninum Dennis Kucinich um "stríðið gegn hryðjuverkum". Ég bið ykkur um að lesa þetta því þarna kemur fram það sem við ungir vinstri-grænir höfum verið að segja síðan í september. Takk fyrir.


posted by Jóhann Þórsson| link


Geðheilsa

Eins og ég hef áður kynnst í prófum þá tekur maður upp á furðulegustu athöfnum. Í dag þreif ég næstum allt sem hægt er að þrífa á þessu heimili, sem var talsvert. Ég skil ekki hvaðan allt þetta ryk kom. En íbúðin er allt önnur á að líta núna og ég á skilið hrós. Palli læt einnig til sín taka og ég er viss um að rykið snýr ekki aftur í bráð. Núna vantar bara að Gutti komi og þrífi gluggana.


posted by Jóhann Þórsson| link


Frábær Grein

Ég var að lesa frábæra grein eftir mann að nafni Tariq Ali. Þessi grein er núna á Counterpunch og fjallar um múslima og hvernig þeir sjá og ættu að sjá heiminn. Þarna er einnig talað um mikilvægi þess að vesturveldin hætti að beita áhrifum sínum í löndum araba og leyfi þeim að gera það sem þeir vilja. Skyldulesning, en þó frekar löng grein.


posted by Jóhann Þórsson| link


Thursday, April 25, 2002
Sigurður Sigurþórsson

Ég fékk ábendingu frá einum vina minna um að svo virtist að ég ætti fáa vini. Þar sem það voru einungis fjórir linkar undir "Vinir" hér til hliðar dró þessi einstaklingur þá ályktun að vinir mínir væru einungis fjórir. Ég er nú búinn að bæta einum við en ástæða þess að svona fáir linkar eru á vini mína er einfaldlega vegna þess að aðeins örfáir vina minna eru með heimasíður á sínum vegum. Ég þakka viðkomandi engu að síður fyrir afar hlý og falleg orð.

Að lokum legg ég fram formlega beiðni um link á síðunni hans Óla Njáls, þar sem ég hef nú linkað á hann.


posted by Jóhann Þórsson| link


&"%#&$

Ég er alveg að verða vitlaus af þessu bloggi, búinn að gera 3 tilraunir til að uppfæra í dag sem allar hafa farið í eitthvað svarthol internetsins. Þetta er síðasta tilraun. Ég þarf bara að koma því á framfæri að stiginn var glæsilegur dans á Grand Rokk í gær við undirspil Tveggja Dónalegra Hausta, og skemmtu sér allir vel. Ég og Óli Njáll sátum í rólegheitum þegar Huginn og Þór komu, og gerðu allt vitlaust.

Annars er ég að fara í mjög innilegt próf-hugarástand sem virkar þannig að ég útiloka allt áreiti á heilann að lærdómi og Popp-Tíví undanskildu. Ég tek ekki upp þann sið Óla Njáls að raka mig ekki í prófum því ég lít asnalega út með skegg, og nógu asnalega lít ég oft út fyrir. Að lokum tel ég góða og gilda ástæðu til að benda á þetta aftur, og það fylgir þessu hljóð þannig að þið verðið einnig að hlusta.


posted by Jóhann Þórsson| link


Framtíðin/Nútíðin

Skoða þetta, og hugsa.


posted by Jóhann Þórsson| link


Wednesday, April 24, 2002
Alice in Chains

Í ljósi þess að söngvari hinnar frábæru Alice in Chains er látin ætla ég eingöngu að hlusta á þá í dag. Ég hvet samt fólk sem ekki á Alice in Chains diska að hlusta bara á Rage í staðinn.


posted by Jóhann Þórsson| link


Skyldulesning

Ég vil bara benda öllum á að lesa leiðar Jónasar Kristjánssonar um Rússland í Fréttablaðinu í dag.

Enjoy.


posted by Jóhann Þórsson| link


Tuesday, April 23, 2002
Enn og aftur um aumingja

Af því að ég hef ekki verið róttækur upp á síðkastið ætla ég að laga það. Ég minni hér með fólkið sem skoðar þetta á að þeir sem styðja viðskiptabannið við Írak eru aumingjar.


posted by Jóhann Þórsson| link


Rage Against the Machine

Rage Against the Machine er merkileg hljómsveit. Ekki bara eru þeir merkilega góðir ,nokkur Grammy og Tom Morello er áskrifandi að "Best Guitarist" verðlaunum af ýmsum toga, heldur eru þeir miklir byltingarmenn. Textar Zach de la Rocha eru alveg brilliant og má margt læra af þeim manni. Hann syngur gegn alþjóðavæðingu, hernaði og allskyns óréttlæti. Ég hvet alla til að hlusta meira á RATM.


posted by Jóhann Þórsson| link


Ný tilvitnun

Ég var að setja inn nýja tilvitnun, eftir nokkura daga leti. Ég ætla líka að reyna að uppfæra þetta blogg oftar en Geiri og skrifa minna um Mopatop.


posted by Jóhann Þórsson| link


Monday, April 22, 2002
Fundur

Í dag er fundur í háskólabíói sem allir ættu að reyna að mæta á. Hann gengur undir nafninu Stöðvum stríðsglæpina í Palestínu og byrjar klukkan 17:30

Sveinn Rúnar Haukson og Viðar Þorsteinsson muna taka til máls en þeir eru nýkomnir frá Palestínu.


posted by Jóhann Þórsson| link


Sunday, April 21, 2002
Chomsky Chomsky Chomsky!

Ég er að lesa (meðal annars) bók eftir snillingin Noam Chomsky sem fjallar um sprengjugreddu Bandaríkjanna, ROGUE States. Ég datt inn á setningu sem birtist af einhverri ástæðu aldrei í fjölmiðlum en er fullkomlega rökrétt:

"Diplomacy and negotiations are never at an end."


Hananú. Veitum því norðmönnum meiri athygli og virðingu fyrir hvernig þeir tóku á málunum í Sri Lanka. hmmmm..... friður og ekkert sprengt? Kanski ætti NATO að skoða þetta.



posted by Jóhann Þórsson| link


CNN?

Ég horfði aðeins á CNN áðan heima hjá Geira og komst að því að eitthvað er ekki alveg í lagi á þeim bænum. Það var verið að sýna "fréttir" frá Jenin. En það var ekki talað um fjöldamorð eða glæpi af hálfu Ísraela. Þar var verið að tala um að sendinefnd á vegum Saminuðu Þjóðanna ætlaði að athuga hvað hefði gerst þar. Það er alveg vitað hvað gerðist, og sendinefndin er að fara að athuga hvort ísraelsher sé sekur um stríðsglæpi, en frá því var ekki sagt, aðeins talað um "að rannsaka atburði" en ekki talað um hverjir þessir atburðir voru. Á eftir þessu kom heillangur rúntur um Ramallah, þar sem flest húsin voru heil, og þeir félagar bara að skoða sig um. Á u.þ.b. 4 mín sem fréttin varði, var talað um Jenin í 30 sek og svo Ramallah í 3 og hálfa mínútu.

Er ekki eitthvað að?


posted by Jóhann Þórsson| link