<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, May 04, 2002
Sverrir Jakobsson

Ég ætla að benda Sverri Jakobssyni á tvennt, í ljósi skrifa hans. Í fyrsta lagi skil ég vel að hann kunni illa við að linka á mig þar sem hann þekkir mig ekkert, tilfinningin er gagnkvæm. Við þurfum bara að setjast niður við öl einhverntíman við tækifæri. Í öðru lagi finnst mér ástæða til að vekja athygli hans á því að ég er ekki að norðan, eins og Sverrir telur flesta bloggara vera, heldur er ég frá Keflavík (þó reyni ég yfirleitt að hafa ekki hátt um það), OG ég er á móti veru hers á landinu. Sjaldgæfari tegund er erfitt að finna.

En þar sem Sverrir segist vera hættur að blogga eru þessi skrif kanski óþarfi. Jæja, so it goes.


posted by Jóhann Þórsson| link


Glens

Ég hef ákveðið að lífga aðeins upp á bloggið.



Ég verð bara að vona að George W. Bush skoði þetta.


posted by Jóhann Þórsson| link


On a lighter note

Hér er mynd af Kofi Annan að reyna að semja við Sharon og menn hans um sendiförina til Jenin.



Og ef þið gerið eitthvað merkilegt í dag, látið það þá vera að lesa þessa grein. Hún er stutt, en merkilega góð, enda eftir Robert Fisk. Nauðsynleg lesninga fyrir t.d. Valda.


posted by Jóhann Þórsson| link


Friday, May 03, 2002
Manchester United

Ég ætla ekkert að segja um þetta fótboltalið heldur benda fólki á að kaupa þessa bók. Í henni eru greinar eftir marga af þeim mönnum sem ég lít á eins og fótboltabullur líta á Beckham og Owen, en þetta eru t.d. Noam Chomsky, Howard Zinn, Robert Fisk og John Pilger. Í henni eru þeir að skrifa um (og gegn) viðskiptabannið við Írak.

Ég er enn að bíða eftir að bókin sem M&M pantaði fyrir mig, The Fateful Triangle eftir Noam Chomsky, komi til landsins en næst kaupi ég án efa ofangreinda bók.


posted by Jóhann Þórsson| link


Mín hjartans mál

Það veldur furðu margra vina minna hversu mikið ég spái í viðskiptabanninu við Írak. Þeim þykir furðulegt að ég eyði meiri tíma í það að lesa mig til um og skrifa gegn þessu banni en ég eyði í að fylgjast með árangri Manchester United í ensku. Ég get bara lítið að þessu gert. Fyrir utan það hversu allt íþróttáhorf er ofan mínum skilningi, þá fer þetta viðskiptabann alveg rosalega í taugarnar á mér. Þarna eru þúsundir barna að drepast í hverjum mánuði, og flestum virðist vera alveg sama. Bannið er viðhaldið í þeirri trú að Saddam Hussein sé að reyna að koma sér upp svokölluðum gjöreyðingarvopnum, sem er eflaust að einhverju leyti satt, en fáir minnast á hræsnina að þær þjóðir sem viðhalda banninu, BNA og Bretland, eiga sjálf slík vopn og er annað þeirra meira að segja eina þjóðin sem hefur notað þau(Hiroshima og Nagasaki). Fáir spá í því að það voru Bandaríkin sjálf sem seldu Saddam Hussein þau efnavopn sem hann notaði gegn kúrdum 1988, eða að það var ekki fyr en mörgum mánuðum seinna að Bandaríkin hætta að selja honum þau.

Ég ætla, eins og ég lofaði, að halda áfram að gagnrýna þetta ógeðslega viðskiptabann þar til því er aflétt eða ég dauður, og því bæti ég hér inn tenglum á síður þar sem nálgast má ítarlegar upplýsingar um það. Ég bið ykkur um að lesa eitthvað sem þar er að finna, og hugsa aðeins um bannið. Takk fyrir.


posted by Jóhann Þórsson| link


Arafat og fleira

Gott er að sjá að Arafat er nú frír úr prísundinni og getur aftur farið að reyna að vinna í málum palestínumanna. Ég verð að vera sammála Valda í því að margar þjóðir heimsins eigi skilið gagnrýni fyrir aðgerðarleysi í málefnum palestínumanna en ég hef gífurlega góða ástæðu fyrir því að gagnrýna BNA helst í þeim málum. Og hér er hún:

"Beginning in the mid-1970s, a modification of UN Resolution 242 provided for the creation of a Palestinian state in the West Bank and Gaza once Israel withdrew to its pre-June 1967 borders. Except for the US and Israel (and occasionally a US client state), an international consensus has backed the full-withdrawal/full recognition formula, or what is called the "two-state" settlement, for the past 25 years. The US cast the only veto of Security Council resolutions in 1976 and 1980 calling for a two-state settlement that was endorsed by the Palestine Liberation Organization (PLO) and front-line Arab states. A December 1989 General Assembly resolution along similar lines passed 151-3 (no abstentions), the three negative votes cast by Israel, the US, and Dominica."

Ég hef áður birt þetta á blogginu en sé ástæðu til að gera það aftur þar sem Valdi virðist ekki hafa séð þetta síðast. Hérna er gerð góð grein fyrir afskiptaleysi BNA í málefnum palestínu, og hér eiga Rússar, Frakkar, og aðrar evrópuþjóðir enga gagnrýni skilda.


posted by Jóhann Þórsson| link


Thursday, May 02, 2002
Harður áróður!

Skoða:

Skýrslu Amnesy International um hernað Ísrael gegn palestínumönnum.

Skýrslu Dr. Eric Herring, Senior Lecturer in International Politics, Department of Politics, University of Bristol um ástandið í Írak og afleiðingar viðskiptabannsins.

Skýrslu Human Rights Watch um "hvörf" fólks í Grozny, höfuðborg Tjéténíu, í ljósi þess hversu góðir vinir Íslands Rússar eru að verða.



posted by Jóhann Þórsson| link


Hæ Mamma!

Jæja dagurinn fór eins og ég hafði spáð til um. Ég las kafla í Öld Öfganna eftir Eric Hobsbawm, lagði mig í 10 min( X 6), las grein um erfðabreytt matvæli í National Geographic (svei svei Monsanto) og er núna að fara að horfa á Malcolm in the Middle á Skjá Einum.

Ég setti einnig inn nýja tilvitnun á síðunna mína, núna eftir ekki ómerkari mann en Robert Fisk, og bætti inn öðrum bókalista. Ég held reyndar að bókalisti sé svoldið overstatement þar sem aðeins er um 3 bækur að ræða, en athyglisverð viðbót engu að síður.

Á morgun tekur svo aftur við stífur próflestur. Og ég ætla héðan í frá alltaf að fá mér Lucky Charms áður en ég fer í próf.


posted by Jóhann Þórsson| link


Hvað á að gera í dag?

Ég er nýkominn úr prófi í Þróun Hugbúnaðar og gekk bara þrusuvel. Ég vona bara að ég þurfi aldrei að skrifa eða heyra orðið notkunartilvik aftur en ég held að litlar líkur séu á því.

Þá er svo spurningin í hvað ég eigi að eyða deginum. Ég get sokkið mér í nýjasta eintak National Geographic, lesið eitthvað á ZNET eða sofið í allan dag. Ætli ég blandi þessu ekki bara öllu saman.

Ég get náttúrulega bloggað einhver leiðindi um mig sem engin vill lesa.......nei heyrðu, ég er víst búinn að því.


posted by Jóhann Þórsson| link


Wednesday, May 01, 2002
11 tímar í próf...

Ég er rétt í þessu að fara yfir þau örfáu atriði sem ég er ekki alveg klár á í Þróun Hugbúnaðar. Á morgun verð ég frelsaður maður. Ég verð í það minnsta búinn með eitt af þremur prófum, en það eru erfiðari próf framundan, Greining Reiknirita og Stýrikerfi. 11. maí verður svo haldinn hátíðlegur um allan bæ því þá er ég búinn í prófum. 12. maí ræðst ég svo í mikla ritsmíð en ritgerð minni um sköpunarsinna þarf ég að skila 20. maí.

Og í lokin fáum við mynd:



posted by Jóhann Þórsson| link


1 dagur í próf

Jæja, ný tilvitnun kominn inn á síðuna mína. Ég ætla líka að biðja fólk um að skoða þetta, frábær grein.

Annað hef ég ekki að segja að svo stöddu.


posted by Jóhann Þórsson| link


Mynd fyrir svefnin

Áður en ég fer að sofa ætla ég að skella hér inn annari hápólitískri skopmynd.



posted by Jóhann Þórsson| link


Tuesday, April 30, 2002
BNA og skuldastaða við SÞ

Ég ætla að byrja á því að biðja Valda afsökunar ef hann heldur að ég hafi verið að gefa í skyn að hann vissi ekki mikið um SÞ. Ég veit vel að Valdimar er alþjóðapólitík vel kunnur, enda fyrrverandi nemi í stjórnmálafræði við HÍ. Ég myndi aldrei vísvitandi gefa slíkt í skyn.

En ég leiðrétti hann ef hann hefur rangt fyrir sér, eins og þegar hann segir eftirfarandi: "BNA þvinga SÞ ekki til eins né neins."
Hið rétta er etirfarandi (önnur upptalning):

1) "The United States now began to use the fact that it owed the UN more than $1 billion in back dues as a kind of blackmail. There was no hope of getting this paid, the mantra went, unless Congress believed it had a man it trusted at the head of the UN" Boutros-Boutras Gali náði ekki endurkjöri sem aðalritari SÞ fyrir tilstilli BNA. Og hér sjáið þið hvernig.

2)"He made a veiled warning to [Kofi]Annan. If UNSCOM and Butler were now weakened and the influence of the security council underrmined, the effect in Washington would be almost incalculable, not just for Iraq but for US relations with the UN. In other words, Annan could kiss goodbuy to any hopes he had of getting Americas back dues paid." Önnur misnotkun á skuld, í þetta skipti til að fá sínu fram í viðskiptum UNSCOM og Írak.

3)Eftir að BNA segjast ætla að borga $926 milljónir í stað þeirra $1.5 milljarða sem þeir skulda "The money was much less than hoped for, and congress imposed other conditions, insisting that even this reduced amount would not be paid unless the UN accepted it in full payment, agreed to a permanent cut to the US share of the operating budget from 25 per cent to 22 per cent and pledged that the UN administrative budget would not rise over the next two years. These conditions were onerous for the UN and its members to accept."

Þessi dæmi eru tekin úr bókinni Deliver Us From Evil eftir William Shawcross, og ættu að styðja mál mitt nokkuð vel.


posted by Jóhann Þórsson| link


Tvennt varið

Jamm jamm, ritdeilur á blogginu harðna á milli mín og Valda. Ég hef ekkert nema gífurlega gott um það að segja.

En þá að vörninni: Í fyrsta lagi er Valdi ósáttur við umtal um sjálfstæðisflokkinn í grein eftir mig á uvg.vg. Það besta við klausuna sem hann kaus að fjalla um er að ég skrifaði hana ekki, henni var bætt inn af ritstjórn uvg eftir að ég hafði látið þá fá greinina. En hún er í mínu nafni og ég verð því að verja hana. Í klausunni er verið að tala um það að nafn Sjálfstæðisflokksins vantaði í fundarboð um málefni Palestínu í Háskólabíói þann 22. apríl, og talað um að Sjálfstæðisflokkurinn sé þar með greinilega ekki mannréttindaflokkur. Valdi talar um að flokkurinn vilja gæta hlutleysis og hafi af þeirri ástæðu ekki sett nafn sitt við fundinn. Hlutleysi? Hvaða vitleysa er það, hvenær hafa stjórnmálaflokkar átt að vera hlutlausir? Treystum við ekki einmitt á að þeir séu hlutdrægir í svona málum? En málið með greinina í heild er að ég tengdi Ísraelsher við Bandaríkjaher, Bandaríkjaher við herstöð á Íslandi, og loks Sjálfstæðisflokkin við bæði hlutleysi (ef þú vilt nota það) í málefnum Palestínu og herstöðina. Reyndar eru Vinstri-Grænir eini flokkurinn með hreðjarnar í að segja að þeir vilji herstöðina burt.

Og þá að hinu. Það eru reyndar þrjár staðhæfingar sem Valdi setur fram sem verða hér , ja, leiðréttar
a)"Í deilu Ísraels og Palestínu er alltaf horf á BNA, af hverju þeir gera ekkert? En hvað með SÞ, af hverju gera þeir ekkert? UVG benda þá á að BNA hafi SÞ (hehe mikið af skammstöfunum) í vasanum. Það er bara ekki rétt. Þeir eru stórir og valdamiklir þar inni en hvaða þjóð er það sem skuldar mest til SÞ? Eru það ekki BNA? Ég er nú hræddur um það."
SÞ virka þannig að í öryggisráðinu hafa nokkrar þjóðir neitunarvald, og BNA er ein þeirra. Þeir eru reyndar þjóðin sem er duglegust við að beita neitunarvaldinu, sem þeir hafa gert í málefnum Ísrael í áratugi, þannig að ekki er hægt að segja að SÞ sé ekki að reyna að gera neitt. (sjá blogg hér fyrir neðan). Svo að skuldum BNA. Þeir segjast oft ætla að borga þessa skuld, en setja skilyrði (sem er ólöglegt) og þvinga því SÞ, sem þurfa á peningnum að halda, til að sætti sig við einhver skilyrði.

b)"Ég held fyrir mitt leyti að ef það væri ekki fyrir BNA þá væri allt farið til helvítis fyrir botni Miðjarðarhafs"
Ég er ekki alveg viss hvar ég á að byrja á þessu. En ég verð bara með einfalda upptalningu:
1) Bandaríkjamenn seldu Írökum og Írönum vopn, m.a. efnavopn fram til ársins 1989. Þegar Hussein beitti efnavopnum gegn eigin fólki (Kúrdum sem eru ekki hans fólk) var það 88 á meðan vopnasalan stóð hvað hæst. Engan skal furða hvaðan Saddam Hussein fékk efni eða kunnáttu til að byggja efnavopn.
2) Viðskiptabannið á Írak, sem veldur gífurlegum erfiðleikum í mið-Austurlöndum er núna nær eingöngu stutt af BNA og Englandi.
3)BNA hefur beitt neitunarvaldi þegar settar eru fram tillögur sem skipta Ísrael á milli Palestínumanna og Ísrael - sú deila gæti nú þegar verið leyst ef ekki kæmi fyrir neitunarvald BNA.(sjá aftur blogg hér fyrir neðan)
4)Vera hers BNA í Saudi-Arabíu er einhver stærsti þáttur þess að flugvélum var flogið á WTC 11. september, (ásamt geðveiki Osama). Og hvað er herinn að gera þar?
5) Það var CIA, ásamt leyniþjónustu Pakistan, sem kom Talibönunum til valda í Afganistan.
6) Ísraelsher notaði vopn frá BNA til að ráðist inn í Líbanon 1982, með þeim afleiðingum að 17000 manns létust.
7) Ísraelsher notar vopn frá BNA núna til að myrða Palestínumenn. Hafiði heyrt um Jenin?

og loks c)"BNA voru ekki að fremja neina stríðsglæpi í Afganisthan og þeir losuðu heila þjóð úr fjötrum ógnarstjórnar."
Jamm. Það er stríðsglæpur að aflífa fanga án dóms og laga (Mazar-i-Sharif fangelsisuppþotin), það er bannað að koma ekki fram við fanga eins og stríðsfanga (Genfarsáttmálinn) og það er bannað að nota klasasprengjur geng fólki (Rumsfeld viðurkenndi að hann væri að nota klasasprengjur í þeim tilgangi að drepa sem flesta Talibana). Ógnarstjórnin sem var verið að frelsi fólkið frá var við völd fyrir tilstilli BNA (sjá lið b)5)), og fólk innan Afganistan segist jafnvel verra verr statt núna en á meðan Talibanarninr voru við völd (sjá www.RAWA.org eða aprílhefti National Geographic). Ópíúmframleiðslan er einnig orðin gífurleg aftur í Afganistan (bönnuð undir stjórn Talibana).

Hananú.



posted by Jóhann Þórsson| link


Fyrir Valda

Valdi er gjarn á að segja að ég ráðist óþarflega á BNA og beri lítið fyrir mig af rökum. Jæja, útskýrðu þetta.

"Beginning in the mid-1970s, a modification of UN Resolution 242 provided for the creation of a Palestinian state in the West Bank and Gaza once Israel withdrew to its pre-June 1967 borders. Except for the US and Israel (and occasionally a US client state), an international consensus has backed the full-withdrawal/full recognition formula, or what is called the "two-state" settlement, for the past 25 years. The US cast the only veto of Security Council resolutions in 1976 and 1980 calling for a two-state settlement that was endorsed by the Palestine Liberation Organization (PLO) and front-line Arab states. A December 1989 General Assembly resolution along similar lines passed 151-3 (no abstentions), the three negative votes cast by Israel, the US, and Dominica."


posted by Jóhann Þórsson| link


Monday, April 29, 2002
Góðan daginn

Ég vaknaði allt of seint af því að ég skrifaði sambýlismanni mínum miða um að vekja mig en hann mátti víst sofa út í dag þannig að ég var ekki vakin (ég er ekki að koma út úr skápnum, ég kalla þá sem ég leigi með alltaf sambýlismenn).

Ég var líka svo stoltur af því að ná að senda Huginn nýjustu greinina mína, en gleymdi að hengja hana við e-mailið (ég er svoldið gleyminn).

En ég verð núna að herða mig við lesturinn, enda er UML ekkert Walk-in-the-park.



posted by Jóhann Þórsson| link


The Economist

Í dag er mánudagur og þá fæ ég Economist. Ég gerðist áskrifandi í október og er mjög ánægður með blaðið. Þeir eru heldur right-wing fyrir minn smekk, en fréttafluttningur er allur hinn besti. Í nýjasta eintakinu er talað mikið um Le pen, sem er, þrátt fyrir mótlæti frelsismanna, öfga hægrimaður. Ef þeir hjá The Economist kalla einhvern hægrimann hlýtur það að vera satt. Einnig er talað um hvernig Floridafylki var skipt upp í hluta í forsetakosningum, republikönum í hag. Og þar sem bróðir George Bush var fylkisstjóri var skiptingin samþykkt undir eins, en það er í höndum fylkisstjóra hvers fylkis að samþyggja skiptinguna. Það er eitthvað skrítin lykt af þessu öllu saman.

En eftir að lesa Economist gengur ekkert annað en að halda áfram að lesa og hlusta á System of a Down.


posted by Jóhann Þórsson| link


Aaaaargh!

Ég tók svona dictator próf. Reyndar er þetta útkoman afþví að ég sá strax að það var hægt að fá hann, og ég hagaði svörunum eftir því. En ég er sammála þessu.




"Wait, I'm not a dictator!" you cry! Well lets look at the check list: Unelected? Check! Use wars and xenophobia to boost popularity? Check! Total control of the media so they never say a bad word against you? Check! Kill scores of innocent people to get what you want? Check! Do anything to get your hands on oil? Check! Inhumane treatment of prisoners? Check! Face it, you're a dictator, and no amount of gloss will hide that fact…

What tin-pot dictator are you? Take the "What Dictator am I?" test at PoisonedMinds.com




posted by Jóhann Þórsson| link


Gleðilegan Mánudag

Eftir að hafa farið í sund klukkan 7:20, skokkað úti í kuldanum og skráð mig í SUS (allt lygar) ákvað ég að blogga. Ég sá mér til mikillar ánægju að Tom Tommorow er komin með nýtt pólitískt skrípó , en sá maður hefur sama álit á "forseta" Bandaríkjanna og ég. Það er algjör skylda að skoða þetta!

Ég sá í New York Times að Bush telur vera komin tíma á stjórnarskipti í Írak. Það er ótrulegt hvað hann er ófær um að láta landið vera. Væri ekki nær að reyna að skipta um stjórn í Ísrael? Nei , við skulum bara halda áfram að gera ekkert, það gleyma þessu hvort sem er allir bráðum. Annars á ég að skrifa grein á síðu okkar ungra vinstri-grænna sem birtist á morgun. Ég hafði hugsað mér að skrifa pistil um Írak, mér þykir svo ótrulegt hvað Bush kemst upp með, báðir Busharnir þ.e.a.s.


posted by Jóhann Þórsson| link


Sunday, April 28, 2002
Ekkert sérstakt

Ég held að ég sé búinn að lesa nóg á einum degi, 6 kaflar af Þróun Hugbúnaðar er töluvert mikið á einum degí. Ég á sko skilið að fara bara að sofa (klukkan alveg að verða tólf). Á morgun verið svo tekið á UML (Unified Modelling Language) sem er alveg jafn spennandi og það hljómar.

Annars tók ég bíópásu áðan og fór að sjá John Q. Stórgóð mynd, ég mæli með henni.

Góða nótt.


posted by Jóhann Þórsson| link


Prófið hans Óla Njáls

Tók sama póltíska próf og Óli Njáll og komst að eftirfarndi niðurstöðu:
Economic Left/Right: -5.12
Authoritarian/Libertarian: -6.56

Ég þakka Óla einnig fyrir að heiðra mig með link á síðunni sinni (mér skilst í það minnsta að það sé heiður)


posted by Jóhann Þórsson| link