<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, May 11, 2002
Próflok

Ég er búinn í prófum en á þó eftir að skrifa niður nokkur orð til viðbótar um það af hverju guð sé ekki til og að þróunarkenningin sé nútíðin, ekki eitthvað halelúja gaul.

Annars gekk mér mjög vel á prófinu og náði meira að segja þeim merka árangri að fara á klósettið í prófi. Ég kláraði snemma, las yfir og fór út.
Ég rölti Laugarveginn í sólskininu og fór í Skífuna og keypti mér disk (samt á ekki að versla við Skífuna, einokun og okurverð) með Future Sound of London. Ég og Jónas fórum síðan á Subway í hádegismat.

Á eftir fer ég með Bogga að horfa á Shaolin Munka leika listir sínar og í kvöld kíkjum við svo á lífið, en ég er alveg búinn að gleyma hvað fólk gerir hér í bæ um helgar. Jæja, ætli það rifjist ekki upp.


posted by Jóhann Þórsson| link


Friday, May 10, 2002
Hugsanir (eða tilraunir til þeirra)

Nú á ég bara eftir að læra í u.þ.b. 6 tíma í viðbót. Það er gott því það styttist óðum í að ég missi vitið. Ég ætla ekki að stíga fæti inn í herbergið mitt í 48 tíma eftir að ég yfirgef það, nema rétt til að skipta um föt. Annars er ég að reyna að fá Jónas til að kíkja með mér í Skífuna svo að ég geti fest kaup á eins og einum geisladisk með Future Sound of London.

Annars tók ég bastard próf sem Geiri benti á og komst að því að ég er 26% bastard. Það er ágætt.


posted by Jóhann Þórsson| link


Ramsey Clark

Ramsey Clark er fyrrum dómsmálaráðherra BNA, en í því embætti situr nú amerísk útgáfa af Talíbana (John Ashcroft). En eg ætla að benda fólki á að það eru mikilvægir menn í Bandaríkjunum sem deila skoðunum mínum, þ.e. fyrrnefndur Ramsey Clark. Á Múrnum má nú lesa grein um hann og ég hvet fólk til að lesa hana, þar sem hann er merkilegur maður og hef ég sjálfur nokkru sinnum vitnað í hann í skrifum mínum.

Og á morgun fer ég í próf og svo er ég búinn og þá fer ég á Shaolin eða á friðarráðstefnu ef ég næ að selja Shaolin miðann og svo verður líklega djammað eitthvað til að halda uppá próflokinn. Takk fyrir.


posted by Jóhann Þórsson| link


Valdi

"BNA þvinga SÞ ekki til eins né neins......." segir Valdi.

Hérna er glænýtt dæmi:
"Paul Wolfowitz, the deputy secretary of defence and an impatient hawk, even instructed the CIA to investigate Hans Blix, the Swedish diplomat who is the chief UN arms inspector. Mr Wolfowitz was visibly enraged when the CIA came back with nothing that would have discredited Mr Blix and, by extension, the UN weapons inspection team."

Tilvitnunin er tekin héðan.


posted by Jóhann Þórsson| link


Thursday, May 09, 2002
Aðeins um The Economist

Það er af og frá að ég líti á The Economist sem einhverskonar biblíu. Það er reyndar nokkuð sniðugt að Valdi haldi því fram þar sem blaðið er einstaklega hægrisinnað. Þeir studdu Bush í forsetakosningunum (ef kosningar skyldi kalla), eru mjög neo-liberal, og pro-IMF og World Bank. Ef Valdi vill vita á hvað ég lít sem mínar "biblíur" þarf hann bara að pota hér eða hér.

Ástæða þess að ég nota The Economist sem heimild er að blaðið er sérstaklega gott sem slíkt. Fréttaflutningur er góður og nákvæmur, og staðreyndirnar góðar, þó að ég sé ekki alltaf sammála ályktunum sem blaðið dregur af þeim. Svo er líka gaman að vitna í hægrisinnað blað til að koma vinstrisinnaða áróðri mínum á framfæri.

Þar sem Valdi hefur ásakað mig um æsifréttaleg skrif í greinum mínum held ég að hann ætti að bera saman TIME og The Economist. Þá lítur hann TIME ekki sömu augum.


posted by Jóhann Þórsson| link


Stýrikerfi

Frábær klausa úr Stýrikefis bókinni minni : "Idle lawyers tend to become potiticians, so there is a certain social value in keeping lawyers busy."


posted by Jóhann Þórsson| link


Alvöru þjóð

Í Silfri Egils síðasta sunnudag sagði Kristján Pálsson, þingmaður Sjálfstæðisflokks, að Ísland væri í NATO og héldi fundi af því að við værum "alvöru þjóð" sem tæki þátt í öryggissamvinnu Evrópu. Jæja, Economist finnst þessi fundur ekki merkilegri en svo að í tveimur greinum tileinkuðum NATO í nýjast hefti tímaritsins (alls 4 blaðsíður) er hvergi minnst á þennan fund né framlag Íslands til NATO. Það er aldeilis hvað við erum alvöru.


posted by Jóhann Þórsson| link


Wednesday, May 08, 2002
Helv... Jói alltaf með einhvern djö... áróður

Lesa þetta.

Lesa þetta.

Lesa þetta.


posted by Jóhann Þórsson| link


Resolution 242

Oft er vitnað í samþykkt 242 frá Sameinuðu Þjóðunum 1967 (eftir að Ísraelar hernumdu vesturbakkan). Hér er brot úr henni:

"Emphasizing the inadmissibility of the acquisition of territory by war and the need to work for a just and lasting peace in which every State in the area can live in security,
Affirms that the fulfillment of Charter principles requires the establishment of a just and lasting peace in the Middle East which should include the application of both the following principles:

- Withdrawal of Israeli armed forces from territories occupied in the recent conflict;
-Termination of all claims or states of belligerency and respect for and acknowledgement of the sovereignty, territorial integrity and political independence of every State in the area and their right to live in peace within secure and recognized boundaries free from threats or acts of force.




posted by Jóhann Þórsson| link


Robert Fisk

Ekki getur fólk lesið neitt merkilegra um deiluna í Ísrael en greinar Robert Fisk. Í nýjustu grein sinni segir hann meðal annars:

"But it is their own insane policy of settlement-building that has brought about such misery for Israelis. For a real border separating "Palestine'' from the sovereign state of Israel would afford Israelis much greater security. But Mr Sharon can't erect such a fence because it would cut Israel off from the illegal settlements that it has been building for 35 years on Palestinian land."


posted by Jóhann Þórsson| link


Blogg

Eftir að hafa bloggað stutt og lítið í einu er ástæða til að blogga betur. Ég hef verið að læra undir erfiðasta fag Háskólans undanfarna daga (lít Stærðfræðigreiningu allt öðrum augum), og í kvöld ætla ég að slappa og hefja lestur að nýju á morgun.

Annars er það að frétta að enn einn palestínumaðurinn sprengdi sig í loft upp, og drap 15 Ísraela. Ég get ekki annað en talist til þeirra sem eru hliðhollari Palestínumönnum í þessu öllu, þó að sjálfsmorðsárásir séu með öllu ófyrirgefanlegar og málefnum Palestínumanna ekki til framdráttar. Þannig er að ég bjó í Ísrael frá febrúar 1988 fram í enda ´91, þannig að ég skil hræðslu Ísraela við slíkar árásir fullvel, þar sem ég hef komið til Betlehem, Tel-Aviv, Jerusalem og vesturbakkans.

Það er hins vegar ekki rétt hjá Valda að frelsi Arafats og sjálfmorðsárásir fara hönd í hönd, þar sem slík árás var framin síðast 12 apríl og þá var Arafat í stofufangelsi. Ég efast einnig um áhrif Arafats á Hamas, en hugmyndafræði þeirra er ekki eins. Sjálfur hef ég sagt í einni greina minna: "Vissulega eru sjálfsmorðsárásir hryðjuverk, ég hef aldrei og mun aldrei halda öðru fram."

En ég hef einnig lagt fram tillögur mínar um hvernig eigi að stöðva þessar ógeðslegu árásir, og það er ekki að reita Palestínumenn til reiði og örvæntingar, heldur, og nú vitna ég aftur í sjálfan mig:
"Aðgerðir Ísraelsmanna eru sérstaklega lítið til þess fallnar að draga úr hryðjuverkum, reiði Palestínumanna magnast á hverjum degi ásamt reiði annarra Araba víða um Mið-Austurlönd. Hryðjuverk verða ekki stöðvuð nema þegar engar ástæður eru til að fremja hryðjuverk. Við værum ekki að horfa upp á fólk sprengja sig í loft upp í örvæntingu sinni ef það hefði ekki ástæðu til. Hermdarverkunum linnir þegar þessi ástæða er gerð að engu - og það kallast að ráðast að rót vandans."

Ísraelar þurfa því að yfirgefa hernumdu svæðin (sem yrðu þá líklega bara kölluð svæðin) og viðurkenna tilvist sjálfstæðs ríkis Palestínu. Ég ætla að setja inn tilvitnun á síðunna og er það í þriðja skipti sem þessi tilvitnun fer inn, en hún útskýrir afstöðu þeirra sem segjast ætla að semja frið.
"Beginning in the mid-1970s, a modification of UN Resolution 242 provided for the creation of a Palestinian state in the West Bank and Gaza once Israel withdrew to its pre-June 1967 borders. Except for the US and Israel (and occasionally a US client state), an international consensus has backed the full-withdrawal/full recognition formula, or what is called the "two-state" settlement, for the past 25 years. The US cast the only veto of Security Council resolutions in 1976 and 1980 calling for a two-state settlement that was endorsed by the Palestine Liberation Organization (PLO) and front-line Arab states. A December 1989 General Assembly resolution along similar lines passed 151-3 (no abstentions), the three negative votes cast by Israel, the US, and Dominica."





posted by Jóhann Þórsson| link


Shaolin

Ég auglýsi til sölu miða á Shaolin Munkana á laugardaginn, klukkan 16:00.

Ég hef hugsað mér að eyða tímanum í friðarráðstefnu , ef ég get.


posted by Jóhann Þórsson| link


Er að fara í próf

Eftir klukkutíma sit ég sveittur í aðalbyggingu háskólans að leysa próf í Greiningu Reiknirita.

Ég minni fólk á að skoða dálk vikunnar og að vera góð við hvort annað.

Bless.


posted by Jóhann Þórsson| link


Tuesday, May 07, 2002
Helv próf

Á Laugardaginn er ég búinn. En það er ekki laugardagur í dag þannig að ég verð að læra.

Ég las þetta, mjög fyndið. Pistill um að það sé kominn tími á "regime change" í Bandaríkjunum.

Og af því að ég hef fengið spurningar um það þá á ég hrein föt, ég náði þvottavélinni og þvoði tvö hlöss. Meiri fréttir af þvætti eru mögulegar ef fólk frem fram á slíkt...


posted by Jóhann Þórsson| link


Monday, May 06, 2002
This Modern World

Á mánudögum kemur ný teiknimynd eftir Tom Tomorrow. Hann er jafnhrifinn af George Bush og ég. Meira þarf ekki að segja.


posted by Jóhann Þórsson| link


Gleðilegan Mánudag

Það er ekki að spyrja að því, um leið og ég hyggst þvo af mér föt (og það ekkert lítið), er búið að panta þvottavélina í allan dag. Ég verð því bara að klæðast minnst-óhreinu fötunum mínum. Sem betur fer er ég bara heima að lesa undir próf en ekki að fara á ráðstefnur. Ég verð bara að þvo í kvöld.

Eftir ítarlegan prófarkarlestur er síðasta greinin mín komin á síðu okkar grænkommanna . Skyldulesning.

Og af því að ég veit að lesendur mínir spá mikið í því hvað háskólanemar hlusta á við próflestur skal ég gera því góð skil hér. Ég er núna að hlusta á Come With Us, nýjasta disk Chemical Brothers. Ég hef verið að hlusta töluvert á báða diska System of a Down enda eðal áróður þar á ferð - næstum jafngott og Rage Against the Machine.

Meira hef ég ekki að segja að svo stöddu, takk fyrir mig.


posted by Jóhann Þórsson| link


Rétt fyrir svefninn

Ég hef nú sett inn alveg frábæra viðbót á heimasíðuna mína. Um er að ræða það sem ég kalla dálk vikunnar, en ég ætla að reyna að birta þar merkilegar greinar eða viðtöl, sem hafa haft áhrif á hvernig ég lít á heiminn.

Fyrsti dálkur vikunnar er viðtal við Denis Halliday, fyrrum aðstoðar-aðalritari Sameinuðu Þjóðanna. Viðtalið er tekið af David Edwards og eru spurningarnar allar um viðskiptabannið við Írak. Í viðtalinu koma fram ástæður þess að hann sagði upp starfi sínu hjá SÞ og hann svarar algengustu rökum þeirra sem styðja viðskiptabannið.

Viðtalið er tekið fyrir nákvæmlega tveimur árum og mér þykir hræðilegt að hugsa til þess að svar hans við spurningunni hvort hann haldi að viðskiptabannið verði enn til staðar ári eða jafnvel tveimur eftir viðtalið svarar hann "Oh Christ I hope it doesn’t take that long."

Þetta verður þarna í viku þannig að þið hafið nægan tíma til að lesa viðtalið, en reynið alveg endilega að finna tíma til að lesa það.


posted by Jóhann Þórsson| link


Sunday, May 05, 2002
Kaffi og túnfiskur

Jamm, það er búið að vera nóg að gera í dag.

Ég byrjaði daginn á því að fara ekki í sund klukkan 8:30 eða út að skokka. Maggi bróðir hringdi svo klukkan hálftólf að spjalla og er það ágætt, alltaf gaman að tala við hann.

Ég hélt áfram ferð minni um hin æðislega heim reiknirita, með bókina Introduction to Algoritms mér að leiðarljósi.
Um fjögurleytið hringdi Þór og bað mig um aðstoð við áróðursútburð, og var það lítið mál. Við litum í kaffi til Ögmundar Jónassonar að útburði loknum, og var vel tekið á móti okkur.

Ég fór svo ásamt Baldri bróðir mínum á Apótekið að snæða kvöldverð, sem var ágætt. Ég fékk mér laxa sashimi og grillaðann túnfisk. Ég get alveg mælt með Apótekinu, þó ég myndi ekki vilja vera þar ef mikið væri að gera.

Semsagt ágætis dagur.



posted by Jóhann Þórsson| link


Baráttan heldur áfram

Ég ætla að hafa þettu stutt, bara að benda fólki á að það er kominn ný tilvitnun á heimasíðuna mína og að Greining Reiknirita er hörkuerfitt fag.


posted by Jóhann Þórsson| link