<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, March 29, 2003
Slúðurblogg

Í gær fórum við félagarnir aðeins á lífið, reyndar byrjaði ég í vísindaferð í Kögun og drakk þar svolítið af Carlsberg í gleri, þannig að þegar ég kom til Pálmaristan að henni lokinni var ég fulli leiðinlegi gaurinn. Það er stundum gaman að vera fulli leiðinlegi gaurinn (nema þegar einhver annar er það). Það tók strákana samt ekkert langan tíma að ná mér og það komu meira að segja skvísur í heimsókn. Til hamingju með afmælið. Við fórum svo í bæinn, eða öllu heldur fóru allir nema ég og STimes í bæinn, við hinkruðum aðeins lengur og röltum svo tveir. Þegar í bæinn var komið var það svona Hverfis-Sólon-Prikið-Glaumbar-Hverfis aftur-svo heim hjá mér.

Ég hitti Geira og Höllu og Eydísi konunna mína. Mig er reyndar farið að gruna að þetta sé búið hjá mér og Eydísi þar sem ég hef ekki hitt hana í nokkur ár og skilst að hún búi með kalli og eigi barn. Kanski er ég bara svartsýnn, þetta gæti reddast.

Ég fór heim einn, og titill bloggsins bara kjaftæði, enda hata ég slúður.


posted by Jóhann Þórsson| link


News from the front

Bandarísk yfirvöld hafa ákveðið að fresta Tomahawk-eldflaugaskotum yfir Sádi-Arabíu eftir að þarlend stjórnvöld kvörtuðu undan því að sum af þeim flugskeytum sem skotið hefði verið frá bandarískum herskipum hefðu hafnað á sádi-arabískri grundu.

Allied forces renewed their heavy aerial attacks on Baghdad today as Iraqi officials said the number of people killed in last night's market bombing had risen to more than 50.

"In my experience in Iraq, we have never found any evidence. Given the poor quality of the weapons and their viability span of about five years, even if they were made in 1998, they would not be functional now," Segir Scott Ritter.


posted by Jóhann Þórsson| link


Gaman saman

Góð mynd, tekin seint á níunda áratugnum, og sýnir hvað Rumsfeld og Saddam voru einusinni góðir vinir. Akjsúal mynd, ekkert fiff.



Þið getið lesið frétt um þetta hér.


posted by Jóhann Þórsson| link


Friday, March 28, 2003
Palli Dúlla

Skoðiði endilega myndir af Páli á síðunni hans Bogga.

Good for a laugh at least.


posted by Jóhann Þórsson| link


Spilling?

Í fréttum hefur verið mjög mikið talað um hafnarbæinn Umm Qasr. Nú veit ég af hverju þeim liggur svona á að ná honum:
"Stevedoring Services of American (sem Richard Perle, hönnuður stríðsins vinnur hjá), has been awarded a £3m contract to manage Umm Qasr by the Bush administration. Britain argues that the port should be run by Iraqis once it has been made secure (sem væri auðvitað eðlilegt).
Another contract in Umm Qasr - for construction work - has gone to a subsidiary of Halliburton, Vice-President Dick Cheney's old firm."


En þetta er allt gert til að "frelsa Íraka" er það ekki? Yeah Right.


posted by Jóhann Þórsson| link


Thursday, March 27, 2003
Jájá

Þetta er bara of kúl.


posted by Jóhann Þórsson| link


Rokk

Eru ekki rokktónleikar í kvöld, svona "Rokk í Þágu Friðar" dæmi? Veit einhver það?


posted by Jóhann Þórsson| link


Fun with Google

Já, það getur verið gaman að stimpla inn nokkur leitarorð og gá hvað gerist. Við fáum nokkur skemmtileg dæmi.

George W Bush cocaine

Dick Cheney halliburton Iraq

Kosovo war crimes NATO Iceland

Depleted uranium iraq child cancer

Og síðast en ekki síst:

Palli dúlla


posted by Jóhann Þórsson| link


Wednesday, March 26, 2003
Fyrir Halldór Ásgrímsson




Ég vara fólk sterklega við áður en það ýtir á þetta, að þessi mynd er einhver sú ógeðfelldasta sem ég hef á ævi minni séð. Þetta er barn sem fæddist vanskapað eftir Persaflóastríðið og vegna viðskiptabannsins. Þetta er það sem við (friðarsinnar) erum búinn að reyna að stöðva í mörg ár og nú á að laga það með sprengingum og "frelsun Íraka". Right.... morðingjar!

Ég ætla líka að benda á það að George "Ólæs" Bush og Donald "Wave after wave of my own men" Rumsfeld hafa allt í einu uppgötvað eitthvað sem kallast Genfarsáttmáli. Hentugt. Verst að þeir eru ekki alsaklausir sjálfir. Eins og sagt er í Pálmaristan "Hey, you opened the door man!"


posted by Jóhann Þórsson| link


Lasagna

Ég eldaði mér dýrindis lasagna í hádeginu, las svo og lærði smá. Ég fékk svo vægt áfall þegar ég sá að það vara fundur með utanríkisráðherra í Odda í hádeginu í dag en sjokkið fékk ég af því að ég sá þetta ekki fyr enn klukkan tvö, og þá alltof seinn á fundinn.

Helvítis vesen, ég hefði viljað spurja hann að einhverju.

Um helgina er áætlað djamm með Geira. Veit ekki hvort það boði gott.


posted by Jóhann Þórsson| link


Tuesday, March 25, 2003
Tilverublogg

Viðtal við Robert Fisk, konfekt fyrir friðarsinna og þá sem eru á móti þessu stríði (ef stríð skyldi kalla).

Sendum Bush saltkringlur.

Hótelið hans Magga bróðir og myndir af famelíunni.

Geiri tjáir sig um snjó.

Múrinn "knocks" Moggin. (they tried it and they are knockin´ it, aaaaight.) Skrolliði bara niður og lesiði Morgunblaðið finnur Guð.

Athyglisverðar myndir: Amen Bowling for Columbine Willard og, ef þið eruð af einhverri ástæðu ekki búin að sjá hana, Donnie Darko


posted by Jóhann Þórsson| link


"To liberate the people of Iraq"



Yeah right.


posted by Jóhann Þórsson| link


Monday, March 24, 2003
Kotasælur

Kotasælur dagsins eru tvær. Annars vegar Michael Moore (sjá mynd) og hins vegar Geiri More (Geiri More - say no more). Geiri sést glögglega á hinni myndinni. Geiri á afmæli í dag, hann er sko orðin 25 ára eins og Siggi Ring.



Þess má einnig geta að bæði Michael og Geiri eru hér í jakkafötum frá Hjúgo Bass.


posted by Jóhann Þórsson| link


Bowling for Columbine

Getur einhver veitt mér upplýsingar um það hvað maður í minni stöðu í þjóðfélaginu þarf að afreka til að geta séð Bowling for Columbine? Ég hef hvergi séð hana auglýsta á þessum klaka og veit ekkert hvað er að gerast.

Hvað er líka með að Eminem vinni óskarsverðlaun? Mikil rosaleg lagafátækt hlýtur að ríkja í kvikmyndum þegar hann vinnur óskarinn. Ekki það að lagið sé ekki fínt, bara alls ekki Oscar-material. Ég hefði þá frekar viljað að Hera hefði unnið fyrir lagið Itchy Palms úr Hafinu, sem er stórkostlegt lag, eða Gollum´s Song úr Two Towers, sem Emiliana söng (en samdi þó ekki).


posted by Jóhann Þórsson| link


Oskers (berist fram á amrísku sko)

Michael Moore er, eins og margir vita, frekar hátt skrifaður hjá mér. Hann var að vinna óskarsverðlaun fyrir heimildarmyndina Bowling for Columbine sem ég á enn eftir að sjá, af því að hún hefur, er ég best veit, ekki enn komið til landsins. Enívei, þá skammaði hann Bush í ræðunni og þið getið horft á hana hér.


posted by Jóhann Þórsson| link


Sunday, March 23, 2003
Breiðfylking?

Var að horfa á Silfur Egils, góður þáttur enda næstum allur um Íraksdeiluna, sem að glöggir lesendur hafa e.t.v. tekið eftir að ég hef smá áhuga á. Jæja, þar kom fram helsti ungi Sjálfstæðismaðurinn, Sigurður Kári, og talaði mikið fyrir innrás. Það er vont að horfa upp á það hvað menn komast langt á því einu að vera sjálfstæðismenn. Ég er viss um að hann hefur eytt samtals 25 mín í að lesa sig til um stríðið og afleiðingar viðskiptabannsins, og það allt úr Mogganum. Vinstrimenn hinsvegar, eru upp til hópa miklir lestrarhestar og geta allir vinir mínir staðfest það, um mig að minnsta kosti. Hann talaði um breiðfylkingu Bandaríkjanna eins og þetta væru margar voldugar þjóðir, en ég get ekki séð að Ísland, sem er líklega ríkast þjóðin í þessu bandalagi, geri meira en aðrar töluvert fátækari þjóðir.

Við fáum dæmi: Eþíópía, Eritrea, Uganda, Georgia, Palau (ég veit það ekki heldur), Mongolía, Rúanda og svo má lengi telja. Þjóðir sem geta ekki brauðfætt eigið fólk eru líklega ekki að senda hergögn og mannskap til Írak, en eru eflaust að fara að þiggja miklar upphæðir í fjárhagsaðstoð frá Bandaríkjunum, ef þær gera það ekki nú þegar. Ég held að Bretland og Ástralía séu einu þjóðirnar sem eru að senda hermenn þangað, þó minnir mig að Spánn hafi sent 200 hermenn, í mikilli óþökk almennings þar.

Svo er það líka rökin að við verðum að ráðast inn til að frelsa fólkið undan harðstjóranum Hussein, sem er jú vissulega göfugt markmið. En hvað er til í því að það sé ástæðan (sem það var ekki fyrir 2 mánuðum) fyrir innrás? Bandaríkin eru hrifnari af því að koma harðstjórum til valda en frá, eins og Haiti, Nicaragua og já- Írak sýna glöggt. Þannig að það getur ekki verið ástæðan. Fólkið á sjálft að ráða því hver ræður í sínu landi, og Causcescu og Milosevic var komið frá af fólkinu í löndunum sem þeir stýrðu, ekki erlendum innrásarher.

Neitum að styðja þetta stríð! Kjósum ekki flokkanna sem styðja það mest, Sjálfstæðisflokkin og Framsókn. Kjósum VG (eða Samfylkinguna ef þið eruð af einhverri ástæðu ekki VG fólk) í komandi kosningum og sýnum að við látum ekki vaða yfir okkur, íbúa Íraks, eða meirihluta fólks í heiminum öllum. Þetta er óréttlátt og ólöglegt stríð sem stýrt er af stórhættulegum mönnum sem hætta ekki við Írak, ég lofa því.


posted by Jóhann Þórsson| link


Sunnudagur

Jájá, fínt djamm í gær, borgaði mig inn á Þjóðleikhúskjallarann og náði að vera þar í heilar 2 mínútur áður en ég komst að því að hópurinn hafi hætt við að fara þangað. Mjög ánægður með það. En 11 var alveg að gera góða hluti í gær. Fússball og allt, þó held ég að ég hafi verið fullgrófur í öllum hamaganginum, og meira segja réðst ég á eigin liðsmenn.

Og af stríðinu er þetta að frétta:
It is the same old story. If we make war – however much we blather on about our care for civilians – we are going to kill and maim the innocent.

Robert Fisk sagði þetta og er hann þá að tala um börn sem hann sá særð á sjúkrahúsi í Bagdad. Ekki fallegt, og blóð þeirra er óneitanlega á höndum Bush.



posted by Jóhann Þórsson| link