<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Friday, October 28, 2005
Now they tell me!

Ég hefði getað notað þessa bók þegar ég var að byrja í Háskólanum.



posted by Jóhann Þórsson| link


Hvað er hægt að vera sjúkur í hausnum?

Tony Blair er ekki heill á geði. Það sést best á nýlegum ummælum sem hann lét falla: "There is no justification for Iran or any other country interfering in Iraq."

Verðlaun handa þeim sem kemur auga á hvað er athugavert við þetta.


posted by Jóhann Þórsson| link


Mælimeð dagsins

Ég mæli sterklega með því að allir horfi á myndina The Corporation á Sirkus í kvöld. Ég hef ekki séð hana, en hef heyrt góða hluti, auk þess sem hún fær 91% á rottentomatoes.com, sem er bara mjög gott. Þetta er heimildarmynd sem fjallar um stórfyrirtæki líkt og þau séu persónur (held ég). Noam Chomsky og Howard Zinn koma fram í henni, og það er næg ástæða til að horfa á myndina, þó hún fengi ekki svona góða dóma.

Svo hef ég heyrt að Sonic the Hedgehog sé dópisti.


posted by Jóhann Þórsson| link


Thursday, October 27, 2005
Afmælisbarn dagsins

Afmælisbarn dagsins er hvorki meira né minna en Nintendo Entertainment System. Já, leikjatölvan góðkunna er tuttugu ára í dag. Ég á margar góðar minningar tengdar þessu litla tæki, hver man t.d. ekki eftir Super Mario, Mega Man, Duck Hunt.. uuhh.. ég skrifa fleiri inn ef ég man eftir þeim. Í tilefni dagsins ætla ég að spila GT4 soldið á Playstation 2 tölvunni í kvöld, en GT4 er kanski eins langt frá Mario Brothers 1 og hægt er að komast. Nema kanski cutscene-in í Final Fantasy X... úúú þau voru flott.



posted by Jóhann Þórsson| link


Tuesday, October 25, 2005
Tímaeyðslan "Stríðið gegn Hryðjuverkum"

"Stríðið gegn Hryðjuverkum" er brandari. Skammsýnir illa innrættir amerískir stjórnmálamenn nota það til að auðgast. Skammsýnir huglausir og siðlausir íslenskir stjórnmálamenn styðja það. En í þetta stríð fara ótrúlegir fjármunir sem gætu auðveldlega bjargað milljónum mannslífa. Það steðjar aftur á móti raunveruleg ógn að mannkyninu og erfitt er að fá nokkurn hægri-sinnaðann stjórnmálamann til að láta það skipta sig máli. Ég er að tala um gróðurhúsaáhrifin.

Ég veit að mörg ykkar eru að geispa núna (eða komin á aðrar síður) og hugsa að það sé hvort sem er ekkert sem þið getið gert eða að þið séuð búin að heyra þetta 10 sinnum bara í dag. En staðreyndin er bara sú að við verðum að fara að gera eitthvað. Hugsið til þess að nú eru kínverjar að upplifa gífurlegan hagvöxt og fara að ferðast, kaupa bíla, nota rafmagn, nota klósettpappír og margt annað á borð við okkur ofdekruðu eyðsluseggina á vesturlöndum. Það kemur til með að menga rosalega ásamt því sem öll tré á jörðinni verða horfinn eftir ekki nema svona 50 ár. Þetta gengur auðvitað ekki... en eigum við að banna kínverjum að lifa svona? Það gegnur auðvitað ekki. Allir verða að fara að leggja sitt af mörkunum (þar með talið kínverjar) og breyta lifnaðarháttum sínum verulega. Ég ætla að setja stuttan lista hérna sem getur þjónað sem byrjun. En innann nokkurra ára held ég að ríkisstjórnir heimsins fari að átta sig á ástandinu og fari að setja þegnunum skorður. Þó fyrr hefði verið...

Hvað geutm við gert?:

1. Labbað, hjólað, notað Strætó eða fjölmennt í bíla.
2. Ferðast minna með flugi. Flugvélar menga rosalega.
3. Kaupa sparneytnustu bíla sem völ er á (Toyota Prius og Honda Insight eru góðir kostir, báðir eru með rafmagns og bensín vélar).
4. Haldið bílnum við – að hafa vélina stillta og eins mikinn þrýsting í dekkjunum og ráðlagt er sparar bensín.
5. Búið eins nálægt vinnustað okkar og hægt er.
6. Kaupa innlend matvæli, helst lífrænt ræktuð. Flutningur matvæla að utan mengar mikið, auk þess sem það er gott fyrir íslenskan iðnað að kaupa íslenskt.
7. Ekki versla við fyrirtæki eins og ESSO sem hindra framför að endurnýtanlegri orku. SHELL og Olís eru skárri, en ekki mikið.


posted by Jóhann Þórsson| link


Monday, October 24, 2005
Kvennafrídagur

Í tilefni þess að í dag er Kvennafrídagurinn hef ég ákveðið að hafa bleikan blæ á blogginu.. svona til að sýna stuðning sko. En auðvitað vil ég að konur njóti sömu réttinda og tækifæra á vinnumarkaðnum og við kallarnir. Eins og allir sem þekkja mig vita er ég mikill feministi (opna ekki hurðina fyrir Heiði, leyfi henni að borga reikningin þegar við förum út að borða...) og vonast því til að konur láti almennilega í sér heyra í dag.

Ég verð samt ennþá í vinnunni eftir 14:20.


posted by Jóhann Þórsson| link