<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Friday, July 07, 2006
Skammir og verðlaun

Nú gengur þetta ekki lengur! Eftirfarandi letingjar verða brátt teknir af tengla-listanum hér til hægri nema þeir hisji upp um sig brækurnar og fari að blogga aftur: STimes, Simmi, Óli G og Krappmenn (Palli rétt bjargar sér fyrir horn). Rebekka fær aðvörun, og er eina stelpan sem slíkt fær, aðrar standa sig glæsilega í blogginu. Aðalheiður deilir með mér þessum fína bikar hér til hliðar (þó ekki til helminga... hún fær svona 12.5%) fyrir reglulegt, og reglulega hægðalosandi, blogg og óska ég henni innilega til hamingju.

Ég fæ auðvitað blogg-verðlaunin(77.5% bikars) fyrir síðustu tólf mánuði af yndislega uppörvandi, fræðandi, skemmtilegu, hollu og mannbætandi bloggi. Ég hyggst halda ótrauður áfram með sama þema í þessu bloggi og halda mig á þessum hressu and-kapítalísku, trúleysingja og hunda-gubb nótum, enda eru allir greinilega að fíla það í botn. Ég hef amk fengið rétt rúmlega 70 þúsund heimsóknir á dag hvern, eins og sést á teljaranum litla hér til hliðar.

Ég þakka dómnefndinni jafnframt kærlega fyrir mig.

Ef þið eruð að spá þá deilast hin 10% af bikarnum jafnt niður á ykkur hin (ekki þó letingjana hér að ofan) ásamt grænlenska stúlknakórnum þarna sem söng með Björk, landsliði Trinidad og Tobago í fótbolta, Indverjum, og börnum vina minna.


posted by Jóhann Þórsson| link


Tuesday, July 04, 2006
Happadagurinn 4. júlí

Þetta er sannkallaður happadagur. Hann byrjaði á því að ég svaf yfir mig og var seinn í vinnuna. Þegar ég vakna loks er það þegar Heiður segir mér að "Hundurinn gubbaði örugglega inni í stofu. Jói vilt þú...". Þannig að ég fór á nærbuxunum og bleikum þvottahönskum að þrífa upp hundaælu, sem leit nákvæmlega út eins og einhver hefði hellt niður grænu pestói, seinn í vinnuna. Stuttu síðar, þegar ég er að hella morgunmat í skál heyri ég *KVISS* *BANG* *BÚMM* inní stofu. Þá hafði sjónvarpið gefið upp öndina með látum, og svo kom svona léttvæg brunalykt, eins og á gamlárskvöld.

Hvað ætli gerist eftir hádegi?

p.s. Addi er líka búinn að taka af mér afruglarann.


posted by Jóhann Þórsson| link


Monday, July 03, 2006
Hitt og þetta

Ég vil byrja vikuna á yfirþyrmandi hamingjuóskum til Adda og Fjólu með nýju íbúðina og öll börnin og allt. Við hjálpuðum þeim að mála og flytja og svona í gær, og þar sannaðist að margar hendur vinna létt verk.

Fólkinu sem kom í útskriftarveisluna mína síðustu helgi vil ég einnig gefa particularly-cheezy-arm-round-the-shoulder-at-the-end-of-the-night þakkir.

Robbi og Anna fá þakkir fyrir að gefa mér þessar fínu bækur: From Lucy to Language og The Shining. Allir aðrir vita vel hvað það var sem þeir gáfu mér, og fá þakkir fyrir það.

Svo er hér sniðug teiknimynd. Eða sko mér finnst hún sniðug.


posted by Jóhann Þórsson| link