<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://draft.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Friday, July 28, 2006
Bloggæði

Já, það munar ekki um það... farinn að blogga eins og óður. En hvað um það. Geiri er svo duglegur að setja inn myndir að ég ákvað að setja inn nokkrar sjálfur. Þær eru teknar í sumarfríi okkar á Snæfellsnesi og fyrir Norðan.

Heiður á röltinu á Drápuhlíðarfjalli


Litlu börn Sólveigar systur Heiðar, Jón Víðir og Ásdís Malla


Valdi nýgifti og ónefndir dólgar


Brúðhjónin skera tertuna


Félagarnir slaka á í pottinum á Ytri Vík (var Jói að prumpa?)


Nýjasta barnabarn Hjartar og Ernu


Og fín macro mynd úr Drápuhlíðarfjalli í lokin




posted by Jóhann Þórsson| link


Kristnir kjánar



Þetta myndband sannar tilvist guðs svo ekki verði um villst. Bananinn er svo "greinilega" hannaður af einhverjum(hlýtur að vera guð) að það er bara kjánalegt að halda annað.

En ég hef þá bara eina spurningu... hvað er með helvítis mangóið?


posted by Jóhann Þórsson| link


Condoleeza "Darth Vader" Rice

Ahhh... mér þótti nú gaman að heyra af því að svört kona kæmist í mikilvæga stöðu í ríkisstjórn BNA. En þeir hefðu nú geta valið einhvern annan en sjáfa dóttur Satans. Mér stökk nú bros á vör þegar ég sá þetta áðan á mbl.is :

Condoleezza Rice, utanríkisráðherra Bandaríkjanna, hefur ákveðið að fresta brottför sinni frá Malasíu, þar sem ráðstefna ASEAN-ríkja fer fram, og þverra því enn vonir um að hún geti stillt til friðar í Mið-Austurlöndum en áður stóð til að hún færi þangað í dag.


Átti einhvern von á því að hún myndi stilla til friðar?!?! Hún er engu minna spillt og siðblind en hinir fábjánarnir í ríkisstjórn Bandaríkjanna.

Ég held að góðvinur minn Robert Fisk hafi orðað þetta best í grein sinni í gær:

The only civilian walking those frightening roads to Qlaya was a goatherd, guiding his animals around the huge bomb craters in the tarmac. Talking to him, it emerged that he was almost stone deaf and obviously could not hear the bombs. In this, it seemed, he has a lot in common with Condoleezza Rice.

Ísraelar hætta ekkert að sprengja allt í tætlur fyrr en þeir verða löðrungaðir af viti. Og sá löðrungur verður að koma frá Bandaríkjamönnum; þeir verða að hætta að veita Ísraelum stuðning, bæði með sölu (og oftar en ekki gjöfum) hertóla af öllum stærðum og gerðum, og einnig verða þeir að hætta að styðja þá í gengum Sameinuðu Þjóðirnar með beitingu neitunarvalds.

Mustafa Barghouti orðaði það vel á Sky News um daginn þegar hann sagði að samband BNA og Evrópu væri orðið kjánalegt. Evrópa gefur Palestínumönnum pening til að byggja hús og rafveitur og annað, og BNA lætur Ísraela fá pening til að sprengja það í tætlur, og Palestínumenn nota svo pening frá Evrópu til að... þið fattið.


posted by Jóhann Þórsson| link


Thursday, July 27, 2006
Moodkiller

Þetta er svakaleg mynd! Þegar ég sá hana fékk ég í magann við tilhugsunina um allan peninginn sem maður eyðir í bull. Myndin er víst meira en tíu ára gömul, og gaurinn sem tók hana (Kevin Carter) framdi sjálfsmorð ári seinna vegna þess sem hann varð vitni að í Súdan, þar sem myndin er tekin. Barnið er á leið sinni að fá mataraðstoð.



Ekkert kemur fram um afdrif barnsins, en ég veit að vestrænar þjóðir eru ekkert alveg að slást um að fá að aðstoða Súdan þessa dagana. Fyrir ykkur sem ekki vita, þá er Darfur hérað í Súdan og þar er verið að reka fólk af landi sínu, drepa, nauðga, sprengja (all the good stuff) á meðan vesturveldin (og ég og þú) hafa áhuggjur af vaxandi olíuverði. Það skal einnig tekið fram að ég hef ekki persónulega lagt mig fram við að gera neitt til að leggja þessu fólki lið, þannig að ég hef engan rétt til að vera að setja mig á háan hest. En af háa hestinum sér maður lengra... eða eitthvað.

Kannski að ég finni eitthvað sem ég get gert bara. Einhverjar hugmyndir?


posted by Jóhann Þórsson| link


Tuesday, July 25, 2006
"Sumarfrí"

Er ekki enn kominn í blogg-stuð eftir stutt sumarfrí. Fór til Stykkishólms og Akureyrar í brúðkaup hjá Valdimari Víðissyni. Geiri dókumentar það ágætlega.

Ég vil annars bara þakka Jóhönnu og Sigga Ring fyrir gestrisni og annað.


posted by Jóhann Þórsson| link