<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Saturday, September 30, 2006
Fréttir úr London

Skólinn hjá mér byrjar á mánudaginn. Ég er að fara í Introduction to Biological Sciences, og vitiði hvað.... ég er EINI nemandinn í þessu. Það er sko komið í ljós að við erum ekki nema 4 strákar í þessu mastersnámi, og ég eini tölvunafræðingurinn (hinir þrír eru líffræðingar). Ég verð því með einkakennara í líffræði fyrstu fimm vikurnar.

Simmi myndarlegi er í heimsókn í London og að sjálfsögðu fórum við Heiður með honum út á lífið. Ég byrjaði á þvi að fara með drenginn á Porterhouse, pöbb sem mig langaði til að kíkja á. Það var sko fínn pöbb! Brugga góðan slatta af bjór sjálfir og eru með um 100 tegundir af bjór í flösku víðsvegar úr heiminum (svo er hann rétt hjá Ellis Brigham Geiri!). Heiður og Auður slóust svo í hópinn og úr varð fínt kvöld. Við fórum líka á annan pöbb seinna og sáum Hull spila í rugby, það er sko hörð íþrótt (bara aumingjar og ameríkanar nota hlífar!). Hull tapaði.

Að lokum vil ég bara þakka mömmu minni umhyggjuna, og biðst afsökunar á veseninu.


posted by Jóhann Þórsson| link


Tuesday, September 26, 2006
Heiður Bloggar

Heiður er farinn að blogga, og gerir það hér.

Ég og Heiður fórum að sjá Neil Gaiman í gærkvöldi, en hann er að kynna nýútkomna bók sína, Fragile Things. Hann las upp ljóð og sögu úr henni, svaraði spurningum úr sal og áritaði svo bækur. Heiður greyið lenti í sæti við hliðinni á Nexus-gæja sem fór að segja henni hvað Sandman væri merkilegt og hvað Alan Moore væri kúl og hvað vísindaskáldskapur væru merkileg fræði.
Ég verslaði tvennar áritaðar bækur áður en við gengum inn í salinn að sjá Hr. Gaiman, Fragile Things og Mr. Punch. Í þakklætisskyni veittu Balckwells, þeir sem héldu viðburðin, mér miða á Terry Pratchett, sem verður að lesa úr nýrri bók sinni og árita og svara spurningum á fimmtudaginn.

Ekki slæmt að vera viðstaddur upplestrar þessara merku manna.


posted by Jóhann Þórsson| link


Sunday, September 24, 2006
Like locals

Ég og Heiður erum að aðlaðast lífinu hérna, og í dag var farið á pöbb sem heitir Ship Tavern og fengið sér Sunday Roast, sem var bara alveg furðuætt. Við fáum mynd:


Og ég er með Old Speckled Hen í glasinu. Í bretlandi fær maður sér Cask Ale, sem er bjór sem er geymdur í tunnum í kjallara og er ekkert sérstaklega kældur. Það eru bara útlendingar sem fá sér kældan Lager.


Hérna erum við á pub í Soho, en það er fínt hverfi þar sem hægt er að fá sérstakan Overpriced Ale (sjá krús í suðvestur hluta myndarinnar). Heiður er hér í fínni flík sem hún fékk á Cambden Market, en þar er sko hægt að fá fullt af flottu dóti.


Í dag fórum við í fyrsta skipti á röltið í London án þess að hafa kort. Þar löbbuðum við í gegnum Covent Garden og niðrá Trafalgar Skver. Hérna er ég að vera myndarlegur, eins og sést svo greinilega á myndinni. Takið einnig eftir sokkunum, en þá fékk ég í H&M, og eru þeir í miklu uppáhaldi þessa stundina.


Þessa mynd tók Heiður í gær (hún virðist vera betri myndasmður en ég, þrátt fyrir alla mína vitneskju um ljósop og svoleiðis). Við erum á smá grasbletti fyrir framan Houses of Parliament og þarna sést Big Ben og London Eye.


Önnur mynd sem Heiður tók, þarna erum við aftur á Trafalgar Square.


posted by Jóhann Þórsson| link