<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Monday, November 06, 2006
Petticoat Lane, Barbican, Blue Man Group

Sælt veri fólkið. Það er að frétta héðan úr London að internetið er eitthvað sem er bara fyrir fáa útvalda. BT (British Telecom) er sko fyrirtæki sem þarf á skurðaðgerð til að fjarlægja hausinn úr endaþarminum á sér að halda. Ég er búinn að vera stanslaust í símanum við þá að útskýra að internetdótið sem þeir létu mig fá virki ekki og hlusta á þá biðja mig um að taka hitt og þetta úr sambandi (meira að segja eitt gáfnaljósið sem bað mig um að taka allt úr sambandi, þar með talið síman sem ég var að tala í) og setja í samband aftur til að athuga hvort ekki sé allt bara komið og allir sáttir. Það reynist svo aldeilis ekki vera. Sama hvað raular og tautar virðist ekki vera hægt að redda okkur internetinu. "It is clearly not BT fault sir" segir einhver Indverji(Indverjar halda Bretlandi gangandi) mér í símanum. Mér dettur helst í hug að þeir haldi að ég sé bara að fíflast í þeim.

Ég segi BT upp á eftir þegar ég kem heim.

Það var túristadagur hjá mér og Heiði í gær. Við byrjuðum daginn á því að fara á Petticoat Lane markaðinn þar sem var hægt að kaupa alls kyns drasl. Síðan fórum við á Barbican, sem er einhver menningarmiðstöð hérna, að sjá ljósmyndasýningu. Hún var geðveikt flott, og ég mæli með henni. Þeas ef þið eruð í London í nokkra daga og hafið áhuga á ljósmyndum. Síðan fórum við á Leicester Square að athuga hvort við gætum ekki fengið svona last-minute miða á einhverja sýningu um kvöldið. Við fenugm miða á Blue Man Group á hálfvirði og vorum bara hress með það. Ætluðum að rölta um í átt að leikhúsinu og finna okkur stað til að borða. Það gekk brösulega... Heiður var að leita að einhverjum stað sem hún hafði verið á en mundi svo loks ekkert hvar hann var. Við löbbuðum og löbbuðum um Covent Garden en fundum engan stað til að borða á. Löbbum svo fyrir tilviljun fram hjá leikhúsinu og sjáum að Blue Man Group var ekki í sýningu þetta kvöldið. Miðarnir okkar eru semsagt fyrir daginn í dag.

Við ákváðum þá bara að finna okkur stað í hverfinu okkar (Colliers Wood er heitasti staðurinn sko) til að borða. Förum í tjúbið og komumst þrjár stöðvar áður en það er tilkynnt að vegna "einhvers" þá fari lestarnar ekki lengra þessa stundina, en við getum tekið strætó. Við áttum eftir svona 7 stopp... þannig að við förum úr í hverfi sem við höðfum aldrei komið í og leitum að strætó heim. Það eru náttúrulega ALLIR úr tjúbinu að taka strætó þannig að það er mjög troðið. Ég og Heiður ákváðum því bara að borða í hverfinu sem við vorum í og fara heim þegar "eitthvað" var búið að lagast. Við fórum á Gourmet Burger Kitchen (geðveikur staður) og fengum okkur borgara og fórum svo sátt heim.

Í kvöld er svo leikhúsferð á Blue Man Group.


posted by Jóhann Þórsson| link