<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Friday, March 16, 2007
Á leiðinni á djammið

Í kvöld erum við Heiður að fara í partý með bekknum hennar. Það þýðir víst lítið fyrir bekkinn minn að vera með partý... indverjinn í bekknum þarf að vinna í TkMaxx í frítíma sínum til að geta verið í Englandi og þá erum við bara tveir eftir, ég og Daniel. Ég hef Daniel grunaðan um að vera í hinu liðinu þannig að "partýið" yrði kannski að deiti bara.

ANYWAY... þá er ég að fara að koma mér í tjúbið núna (klukkan er fimm) til að vera kominn að hitta Heiði og bekkinn í LSE klukkan sex til að byrja djammið. Svo þurfum við að ná síðustu ferð með túbinu um tólfleytið til að festast ekki í norður-London(þar sem partýið er). Fínt að vera kominn heim af djamminu um eitt... minni timburmenn.

Ég ætla að reyna að koma þessu á á Íslandi. Byrja djammið um sjö, allir heim klukkan tólf. Líka þú Jónas.


posted by Jóhann Þórsson| link


Sunday, March 11, 2007
Slæm fyrirtæki

Allir sem hafa búið í Bretlandi eiga sögur af BT. BT er semsagt British Telecom, stóra símafyrirtæki þeirra breta. Mig minnir að ég hafi nú sagt frá hrakfallasöum okkar af þeim hérna á blogginu. Anyway... þá skiptum við Heiður um gas- og rafmagns fyrirtæki um daginn (alveg ótengt BT) og fórum til Southern Electric. Þeir gerðu allt sem þeir sögðust ætla að gera, tímasetningar stóðust og þeir hringdu meira að segja til að tékka hvort ekki væri allt eins og þeir hefðu lofað.

Og þá að BT... það kom maður um daginn hingað frá Souther Electric og bauð mér að fara frá BT til þeirra með símaþjónustu. Í staðinn fengi ég ódýrari símaþjónustu OG 30 punda afslátt af næsta gasreikningi. Ég sagði við manninn að það kæmi einfaldlega ekki til greina að ég myndi skipta. Hann horfði bara á mig undrandi á svip og spurði hvort ég skildi ekki alveg örugglega hvað hann hefði verið að bjóða mér. Ég sagðist skilja hann fullkomlega en það kæmi bara ekki til greina að ég myndi fara frá British Telecom.

Ástæðan er sko sú að BT er ÞAÐ SLÆMT að ég treysti þeim ekki til að gera neitt rétt. Hvað þá að flytja mig. Ég er viss um að það myndi verða til þess að ég yrði síma og netlaus í mánuð. Aftur. Þetta hlýtur að vera minnsta traust sem hægt er að bera til einhvers fyrirtækis.

Ætli þetta sé ekki eins og að vera að horfa á úrslitaleik í fótbolta með loftnet sem er arfalélegt en nógu gott til að þú sjáir leikinn alveg ágætlega og svo kemur einhver sem býðst til að setja nýtt loftnet sem er enn betra. Þú tekur ekki sénsinn á að eitthvað klikki.


posted by Jóhann Þórsson| link