<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Wednesday, February 13, 2008
Strikethrough

Jæja, í dag ætla ég að kenna ykkur á strikethrough, skemmtilegt tól sem má nota sér til ánægju og yndisauka. Það er alveg sérstaklega skemmtileg leið til að "leiðrétta" það sem maður skrifaði greinilega af heilum hug óvart.

Ég færi ykkur dæmi: Vilhjálmur (fyrrverandi og tilvonandi borgarstjóri) hefur nýlega sýnt í viðtölum að hann er sérstaklega vitlaus einstaklega gleyminn.

Davíð Oddson og Halldór Ásgrímsson tóku ákvörðun um að Ísland yrði á lista hinna staðföstu þjóða gegn vægri greiðslu eftir að hafa skoðað gögn frá Washington.

Árni Jonsen er gott dæmi um siðleysi og spillingu fyrirgefningu og þroska Sjálfstæðismanna.

See what I did there?


posted by Jóhann Þórsson| link


Tuesday, February 12, 2008
Hitt og þetta

Fór í bíó í gær með Jónasi og RobbaKá að sjá No Country for old Men. þar er á ferð alveg fantagóð mynd sem fær hiklaust 4 stjörnur (það er sko það hæsta, miðlar sem gefa myndum á bilinu 1 - 5 vita ekkert hvað þeir eru að tala um). Þessi mynd er í sama flokki og Pan's Labyrinth, Babel, Last King of Scotland, The Assassination of Jesse James og svoleiðis. Svo er líka alltaf gaman að fara á mynd þar sem "vondi gaurinn" heitir Chigurh.

Um daginn fórum við Heiður á grímuball í Keflavík með Adda og Fjólu, þar sem við vorum glysrokkhljómsveitin Queen (eins og við sögðum þegar við kynntum okkur en þurftum svo að leiðrétta af því að fólk trúði okkur). Það var Heiður sem fékk þá snilldarhugmynd að vera KISS (ekki Queen sko) en hún hefur ekki fengið nógu mikið hrós fyrir það.

Við fáum mynd:



  • Addi er með glimmer á bringunni. Alltaf. Það sést bara á þessari mynd af því hann er í fleygnum bol.

  • Ég pantaði að fá að vera Gene Simmons (of course) og komst svo að því að hann á afmæli sama dag og ég!

  • Fjóla er greinilega alltof ljúf til að vera rokkari. Þó var trommari KISS alltaf málaður svona í framan. Reyndar er tónlist KISS ekki alveg eins og hörð og búningarnir gefa til kynna.

  • Þetta er ekki mitt náttúrulega hár

  • Heiði datt í hug að við myndum vera KISS. Hún er sko að lifa sig inn í þetta, og hefur staðfastlega neitað að fara úr gerfinu. Hún er að kenna Aðferðafræði í Háskólanum svona í dag.

  • Frægasta lag KISS er I Was Made for Loving You

  • Við fengum verðlaun fyrir "Bestu Tilþrif"

**VIÐBÓT**

Í dag á Charles Darwin 199 ára afmæli. Þetta finnst okkur líffræði-nördunum (ég er sko bara ~50% tölvu-nörd) alveg stórmerkilegt, enda er þróunarkenningin af mörgum talinn vera besta hugmynd sem nokkur hefur fengið (rétt vinnur KISS-búninga hugmyndina hennar Heiðar). Í tilefni þess bendi ég hér á Guardian-tribute síðu til heiðurs Darwin. Við Íslendingar getum auðvitað verið alveg sérstaklega stolt þar sem við erum sú "vestræna" þjóð þar sem flestir gera sér grein fyrir því að þróunarkenningin er besta útskýringin á tilurð tegunda og margbreytilega lífsins.


posted by Jóhann Þórsson| link