<!-- <body bgcolor="#000" marginwidth="0" marginheight="0" link="#004080" vlink="#004080" alink="#004080"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d3439825\x26blogName\x3dGranda%C3%B0i+Vesturb%C3%A6ingurinn\x26publishMode\x3dPUBLISH_MODE_BLOGSPOT\x26navbarType\x3dTAN\x26layoutType\x3dCLASSIC\x26searchRoot\x3dhttp://johat.blogspot.com/search\x26blogLocale\x3den_US\x26v\x3d2\x26homepageUrl\x3dhttp://johat.blogspot.com/\x26vt\x3d-929200210082745429', where: document.getElementById("navbar-iframe-container"), id: "navbar-iframe" }); } }); </script> -->

Blogg hins Grandaða Vesturbæings



Friday, March 07, 2008
Aðvörun

Hræðilegasta mynd internetsins hefur verið fundin. Þetta er ekki fyrir viðkvæma eða þá sem bregður auðveldlega. Hérna er myndin.

Be afraid. Be very afraid.


posted by Jóhann Þórsson| link


Thursday, March 06, 2008
Hádegisdeit með vinkonu Heiðar

Heiður bað mig í morgun um að kíkja í smá hádegisdeit með vinkonu sinni. Mér þótti það undarleg beiðni en ákvað að slá til. Í hádeginu skrepp ég því í vesturbæinn og hitti þar lítla sæta gellu. Hún var svakalega glöð að sjá mig, hoppaði upp og dillaði sér, og gerði sér gælt við mig. Við ákváðum þá í sameiningu að fara í smá göngutúr. En fljótlega fóru að renna á mig tvær grímur. Henni lá eitthvað fullmikið á að fara út en ég pældi ekkert í því, henni lá örugglega bara á að komast út og láta sjá sig með svona flottum gæja (ég keyri um á Audi TT þessa dagana). Hún dregur mig áfram eitthvað og ég elti, enda sýnist mér hún vera að labba í áttina heim til mín. En þá gerist svolítið svakalegt. Gellan beygir sig niður og pissar á gangstéttina fyrir framan mig, eins og ekkert væri eðlilegra!

Ég var soldið svekktur, en hélt þó kúlinu og lét eins og þetta væri alveg eðlilegt og við löbbuðum aðeins lengra (stelpur þurfa jú stundum að pissa, sérstaklega á leiðinni heim eftir djamm og svona). Ég rölti þarna aðeins áfram með henni og er að hugsa um þetta furðulega atvik en þá kom bomban! Hún KÚKAR á gangstéttina, fyrir allra augsýn!!! Ég skammaðist mín alveg svakalega, hrifsaði skítinn upp af stéttinni og gekk rakleiðis með "deitið mitt" aftur heim til hennar.

Ég fór ekki fram á annað deit og lét hana ekki fá númerið mitt!


posted by Jóhann Þórsson| link


Tuesday, March 04, 2008
Morgunblaðið lagt niður!

Þannig myndi fréttin af því að útburður Morgunblaðsins tefðist um 10 mínútur vera flutt ef Jóhanna María Vilhelmsdóttir semdi allar fyrirsagnir þar á bæ, sem hún gerir sem betur fer ekki.

Það er annars ómerkileg frétt á mbl.is um uppruna taminna hænsna (eruði ennþá að lesa?), en fyrirsögnin "Kenning Darwins felld?" lýsir því að vísindamenn hafi fundið að kenning Darwins um uppruna hænsna sé ekki 100% svona:
"Rannsóknarvinnan er ekki síst mikilvæg fyrir þá staðreynd að hún kollvarpar kenningu Charles Darwins um uppruna taminna hænsna, en Darwin hélt því fram að uppruni þeirra væri fremur einfaldur, þ.e. að þau væru komin af rauðum villihænsnum (l. Gallus gallus)"
En hún endar fréttina reyndar á þennan hátt, sem er þó allaveg nálægt raunveruleikanum: "Vísindamennirnir frá Uppsalaháskóla hafa nú afsannað þá kenningu og sýnt fram á að þó hænsnin séu vissulega að mestum hluta komin af rauðu villihænsnunum þá hafi snemma átt sér stað kynblöndun."

"Kollvarpar" verður því að "séu vissulega að mestum hluta af rauðu villihænsnunum þá hafi snemma átt sér stað stað kynblöndun". Er ekki hægt að fá einhvern sem er læs á vísindi til að skrifa þessar fréttir?


posted by Jóhann Þórsson| link


Monday, March 03, 2008
Nördið mætir pólitíkinni

Þetta er auglýsingaborði sem mér finnst sniðugur. Í fyrsta lagi vinnur Obama borðann (svona þannig séð) en það sem er flottara er að textinn er úr Sandman, sem ég er alltaf að segja vinum mínum að lesa, en enginn hefur þó gert, er ég best veit.



posted by Jóhann Þórsson| link